84
17
5
Exit J, Tsim Sha Tsui MTR Station
Telephone
2313 2323
Introduction
After the rejuvenation in 2013, Yan Toh Heen now has an even more stunning view of Victoria Harbour. Restaurant has remained the popular old dishes and also added new designs to ensure competitiveness. continue reading
Awards and Titles
Michelin 2 Starred Restaurant (2015,2016)
Opening Hours
Mon to Sat: 12:00-14:30; 18:00-23:00 Sun & Public Holiday: 11:30-15:00; 18:00-23:00
Payment Method
Visa Master AE Cash JCB
Number of Seats
120
Other Info
Alcoholic Drinks
May Bring Your Own Wine Details
Cake-cutting Details
VIP Room
Parking Details
Phone Reservation
10% Service Charge
Sea View
Review (114)
午市套餐 Featured Review
Veteran Gourmet 2016-07-31
2782 views
今天同友人相約在米芝蓮二星的欣圖軒午膳。環境雅緻,全尖沙咀海景盡入眼亷。氣氛相對文華廳同香宮比較輕鬆自在。午餐有兩款,分別為458 或888。我們點了458的套餐試試看。賽螃蟹海鮮餃:有蟹的鮮味,蟹肉同旦白都滑滑的,外型精緻。金霞素菜餃:造型很別緻,有金薄點綴,素饀爽爽質感,味道比較清淡。上湯龍蝦脆粉粿:粉粿非常鬆脆,龍蝦肉爽夾鮮甜,浸左上湯再食,更加鮮!正!滋潤湯水:有螺的鮮味,幾夠火喉,湯中還有瘦肉絲同雪梨粒。大干乾蔥爆銀鱈魚:銀鱈魚炸得香脆,脆脆的外層包著嫩滑的肉。乾蔥的汁十分香濃,咸香之餘帶一點微辣,魚肉十分香口惹味。推介!豉汁白露筍炒雞柳:露荀十分嫩,清脆多汁;唯雞柳比較普通,豉汁味道未見突出,味道偏淡。旦白牛𥯆炒飯:飯粒粒粒分明,但比較油;牛𥯆同旦白份量偏少,味道偏淡,要另加豉油同豆板醬增味。飯中夾雜菜頭粒,增加爽爽囗感。腐竹薏米:很清甜,但個人比較喜歡傳統版本多一點豆香。這板本只於薏米糖水加上腐竹,口味較為清新但味道層次有點單薄。桂花糕:非常清甜而帯桂花香,糕身軟滑有如啫喱,入口即溶,帶有清幽桂花香同杞子的酸甜,雖十分簡單,但味道十分不錯!推介!總括而言:服務同環境都有五星級酒店水平,食物味道也十分不錯,有二星的應有味道,可以一訪。 continue reading
(The above review is the personal opinion of an user which does not represent OpenRice’s point of view.)
服務很好 Featured Review
Novice Gourmet 2016-07-21
2309 views
帶媽媽黎洲際食個set lunch 一黎食服務,二黎食個海景,好精緻既餐具今日食午餐既menu賽螃蟹海鮮餃好飽滿,成隻餃都係蟹肉,好鮮甜。金霞上素餃以菠菜做涵,同普通菜餃差不多,不過兩粒餃都做到皮薄,又煙韌,大愛!上湯龍蝦脆粉果,個上湯好咸,粉果就係一個淨炸物,放落湯度好咸,無乜特別,食完好口渴。圖一既湯係蘿蔔煲魚,例湯黎,好似茶記啲味精湯。圖二加80蚊叫既花膠響螺,都係偏咸,不過花膠好爽口厚肉,響螺好有口感。沙丹泰國水晶蝦球,好似沙拉蝦,隻蝦好新鮮,好彈牙,好開胃,洗一洗之前食野既油膩感。醬爆黑豚肉,好似豆鼓炒豬肉,黑豚肉好爽口,好似食豬頸肉咁,不過味道好咸好咸,浪多左咁靚既豬肉。鮑魚好好𡁻口,但由於食左太多野,食半碗已好飽,伊麵都係好咸,個廚應該食野好咸薑汁菊花糕好fresh,好重薑味撞落菊花個味好match。木瓜杏仁茶略嫌味道太淡太稀,兩粒木瓜俾人感覺好小家咁,唔加好過加。埋單時經理會送每一位顧客一盒香片茶葉,小小的,寫住欣圖軒,都幾可愛。總結,食物偏咸,個餐好多野食,點心出色啲。服務好好,個個人都好好禮貌,好細心! continue reading
(The above review is the personal opinion of an user which does not represent OpenRice’s point of view.)
Veteran Gourmet 2016-07-19
1658 views
恭喜寶珊結婚喇 ﹗估唔到咁快。第 1 次踏足洲際酒店,好耐之前已經想黎試一試依度既餐廳喇,誰知第一間會係欣圖軒。婚宴內外都佈置得十分華麗,又不失一點點年青人的活力。Wedding planner 都幾有心思喎,禮物中有朱古力食之餘,仲有魔法閃閃棒玩呢,好有趣 ﹗德國白酒第一次飲,上網 check 到市價 $160 蚊呢。頂頂頂頂級白酒啊,以後點算好呀?超好飲!繼 Hugo's 既愛爾蘭白酒後又一大愛既靚酒!Body 非常幼滑,半點苦澀味都無,入口清爽帶濃厚果香!但一定要夠凍,否則有點過甜!飲下紅酒又飲下白酒,未食先醉喇。等開飯既心情真係令人又餓又忐忑又不安呢,好緊張呀 ﹗新人進場、切蛋糕、咀咀、演講、播片,仲未完?救命啊,您估公司周年食飯咩,哈哈 ﹗終於禮成,頭盤已蠢蠢欲動,好興奮啊 ﹗睇下今晚有咩好餸食先 ﹗鴻運乳豬全體、焗釀黑松露大蟹蓋、金盞川醬燒蝦球、玉環瑤柱甫、花膠竹笙蟲草花燉菜膽、蘆筍天白菇鮮鮑甫、清蒸海東星、桂花龍崗雞、鮑汁鱆魚雞粒炒香苗、高湯煎粉果、薑味奶凍紅荳茸伴香草雪糕、幸福鴛鴦點 ﹗好豐富喎。鴻運乳豬全體,非常高質燒乳豬,不同凡響。皮脆肉嫩,不油不膩,身材極好無肥膏。瘦肉嫩滑帶著清爽咸味。再用蝴蝶包夾著皮肉同吃,麵粉香味跟乳豬油香襯到絕,沾上幾滴乳豬醬就更錦上添花。我都唔客氣食多兩件,滿足。焗釀黑松露大蟹蓋,我好想知道如何烹調呢,每次做釀蟹蓋都只能做到啖啖肉一梳梳,都做唔到如此滑溜滿滿的一絲絲啊 ﹗大量蟹肉鮮味突出,混上黑松露更是香氣飄飄 ﹗表面以吉列處理炸到乾爽卜卜脆,混上濕潤 juicy 蟹肉造成很大的對比,質感豐富又有趣,真係好好味 ﹗金盞川醬燒蝦球,秘醬不知如何形容,甜美而有咸香,神秘的感覺,鮮蝦超級爽彈散發微微生果味道,好神奇 ﹗味道多變,誘人的美味可口。玉環瑤柱甫,非常傅統的配搭,撞埋一齊就如虎添翼 ﹗瑤柱海味味道濃郁,質地嚥韌彈彈,玉環多汁又爽口。大大啖一口咬落去,混在一起超然味美,正到震。就連伴菜西蘭花都一點不馬虎,鮮嫩脆甜,好好食。花膠竹笙蟲草花燉菜膽,養生湯當然比魚翅更好啦 ﹗補身養顏又滋陰,依次值回票價啦 ﹗香氣樸鼻,熱騰騰一縷輕煙緩緩升上,索一索舒筋活骼 ﹗呷一口湯汁,味濃而香甜、清徹可口,非常美味 ﹗黏黏膠膠滑滑既花膠,襯上爽口竹笙及蟲草花,最後而甜美軟腍菜膽作點綴,美味極致,當然連渣到無剩被我完完全全消滅啦。蘆筍天白菇鮮鮑甫,配搭創新,味道異常的清爽香甜,好好食。蘆筍爽嫩甜美卜卜脆又多汁,沒有半點渣。天白菇看不出有什麼特別,味道濃郁,又彈又滑。鮑魚片味濃而嚥嚥韌韌有咬口,美味出眾。清蒸海東星,依條東星真係不得了,我連影張遺照到無機會,一轉已經骨頭都無晒喇 ﹗東星熱騰騰出晒煙滾住游到,侍應見到大家凌厲既眼神都不敢怠慢,立即將東星分屍,再拆骨拆肉送上。魚肉嫩滑鮮甜無比,滑滑彈彈點忍得口,再沾上蒸魚豉油令到鮮味更加突出,大家食到津津有味。還有好多肉黏在骨頭上,真係唔好浪費,魚骨、魚頭、魚鰭、魚尾都要損得乾乾淨淨,實在停不了,太美味啊 ﹗桂花龍崗雞,有趣有趣,炸子雞上散上桂花,但食唔到有否用桂花醃呢。食味只係普通的炸子雞,幸好用上龍崗雞,其雞味較濃,食得出的雞肉香甜。薄薄炸子雞皮香脆而不油膩,雞肉滑而結實,整體真的做得不錯,食得過。鮑汁鱆魚雞粒炒香苗,都壓軸既粥粉麵飯,有點失準了 ﹗濕到似燴飯多於炒飯,全無鑊氣可言,似係蒸返熱上檯感覺。不過味道就出乎意料香濃豐富。鮑汁味道霸道,但仍掩蓋不了鱆魚濃烈味道,互相碰撞比併,混起來也不錯。高湯煎粉果,不知道為何叫做煎粉果,點睇都係炸啦。外層出奇地鬆化,咬到索索聲,恰似食緊巨形咸水角般。外脆內軟,嚥嚥韌韌,但食唔到餡勁搞笑。整隻粉果掉進高湯中游游水再放入口,滲出微微水份,香中帶甜又帶咸,不過不失啦。小師妹拍拖了,已經好少見到面,難得婚宴中相見。結婚記得預個位比我呀 ﹗宴會將近尾聲,我都有點醉意需要抽根煙呢,就與師妹結伴外出透一透氣。我平時身上無煙無火又無火機,點知師妹都只剩下一支。見附近有班姊妹及伴娘在,唯有硬著頭皮黐煙食,so sorry 啊。望住洲際酒店無敵海境抽煙真的別有一翻風味,間中仲有海風輕吹,爽呀 ﹗食飽飽我又獨身的士返大埔再飲過 ﹗ continue reading
(The above review is the personal opinion of an user which does not represent OpenRice’s point of view.)