23
2
0
6-min walk from Exit J, Tsim Sha Tsui MTR Station
Telephone
2369 3718
Payment Method
Cash
Review (25)
Novice Gourmet 2016-05-01
1229 views
一講到印度菜,大家都會不約而同知道,尖沙咀重慶大廈有不少的選擇。但一想起重慶大廈,大家會有所避諱,會馬上想到來自世界各地的朋友,有不同的膚色,是世界的縮影。當你晚上進入重慶大廈,還未踏進大廈的入口,馬上被一群至少有八至十個南亞朋友,蜂擁而上包圍著,高聲給力推介大廈內的印度餐廳,派上大量名片和優惠券等等,如果是女士,一定會被嚇倒,嚇到雞飛狗走,先不要講食物的質素(Note: 有一兩間重慶印度菜十分好吃,味道亦十分正宗,可以去試一下!),已經給<重慶印度菜>一個污名。如果想試一下正宗的印度,又不用受到過度<熱情>的招待,尖沙咀還有其他的選擇,尖東<活蘭印度素食 Woodlands International Restaurant>是你另一個不錯的選擇。尖沙咀東港鐵站P1 出口,便立即到達永安中心的正門,地點方便,容易找到,商場神奇地保留著八十年代大型商場的裝修和風格,十分有懷舊感,與現今商場的五光十色反差甚大,<活蘭印度素食>餐廳的店面裝修與商場的風格十分相似,地方還算清潔乾淨。菜單方面選擇多,如港式茶餐廳,當然全部食物都是素食,有中英文菜單,方便大家選擇食物,但欠缺食物的圖片和簡介,菜單紙上只有各大類的食物的圖片,想知道個別的樣子,用賣相去想像一下食物的味道,只能靠詢問侍應朋友,這都是為什麼很多朋友都不想嘗試印度菜的原因,是因為其<神秘感>,<活蘭>在菜單上要多下努力改善!對印度菜有一點點認識,加上一點點<估下估下>,再加上詢問侍應哥哥之後,先點了一個<Special Indian Thali> ,侍應哥哥說多加一個 Dosa,就足夠兩個人的份量,所以再點一個<Masala Dosa>。上菜時<Masala Dosa>份量十足,Dosa用一個餅皮,烤脆之後卷成,裡面加上薯仔泥,附上一個Masala醬汁,醬汁裡面有薯仔。先把餅皮撕開,之後點上Masala醬汁,味道不太咸,餅皮香脆,加上Masala汁之後,風味十分正宗。其實印度香料味(所謂的咖哩味)不太重,可能是因應本地人的口味,而作出調整,適合香港人口味。<Masala Dosa>值得推介!再到<Special Indian Thali>,附上兩個不同的薄餅,一個香脆一個鬆軟,鬆軟的吹成一個氣球,賣相十分特別,下面有印度飯,再加上十種不同的醬汁。自問無法了解各醬汁的名字和其中的材料,只能用你的舌頭,一個一個嘗試,辣的甜的咸的酸的苦的,需要閣下去深入了解。其實<活蘭>可以附上一張Thali 卡,逐一圖文並茂介紹各醬汁的材料和味道,讓食客知道如何正確用印度人方法,享受各醬汁的風味,味道總算不錯,但多吃一點之後,覺得油膩感過重,因為薄餅和部份醬汁油份高,加上醬汁多數用上薯仔和豆類,十分飽肚。<Masala Dosa>和<Special Indian Thali>兩個菜,應該是三個人的份量。如果二人份量,建議點一個Dosa 和份量較少的<North Indian Thali>或者是<South Indian Thali>。或者點一個<Special Indian Thali>加一個小吃,例如<Samosa>。<活蘭>和各印度餐廳要繼續努力,推展印度美食,需要大量的品牌的包裝,和食物文化的介紹,讓本地的朋友深入了解印度的文化,不只是<咖哩>和<包頭>,印度菜要加油! continue reading
(The above review is the personal opinion of an user which does not represent OpenRice’s point of view.)
Rising Gourmet 2016-03-27
1529 views
印度節日真係特別多,前幾日係Holi色彩節,佢地果日會用d顏料整花對方,有祝福的意思,也係一個迎接春天,去舊立新的節日,今次又可以俾個藉口自己去食印度野,有quota就是任性呢日繼續食印度素食,同隻肥野黎「活素」,晚上七點幾鐘未算好full,是放餐廳內唔係印度人就係外籍人士,無香港人。一坐低,印籍waiter俾個menu我地,點菜時好努力甘用英文嘗試讀d菜式名,點知佢同我講廣東話,哈哈哈,我仲笑住話原來係識廣東話。我地坐左近玻璃窗邊,街外d霓虹燈就o係正隔離,真係非常之王家衛feel首先出場係,登、登、登、登:「North India Thali 北印式套餐」最喜歡叫套餐,因為咩都有,唔洗傷腦筋。佢包一塊脆餅同埋兩塊蔣餅,仲有個三色飯,咖哩、純乳酪、雜菜乳酪,甜品。佢d咖哩屬於唔辣,乳酪、芝士比較中,所以傑身少少; 個乳酪酸味比較重,唔太岩我;三色飯少部分米粒痴埋一齊,未算米粒分別; 但整體黎講咖哩、乳酪都算接近印度口味,唔算係好遷就香港人口味,原汁原味,我喜歡。最好味係個甜品,香料味非常出,非常接近o係印度時的口味。要有心理準備印度的甜品係非常極之甜。Dosa,熱辣辣上,皮脆,同另一印度素食Branto比,個皮厚身少少,不過我比較喜歡呢度的Dosa,有咬口d,尤其個椰子醬比較傑身,香料味也較特出,沾Dosa黎食真係食唔停口,只嫌豆湯就甜身左少少,咸返d會好d。咖哩茄子,醬汁傑身,口感creamy,帶酸,唔辣,茄子淋中帶滑,最岩拌飯食。印式香料飯,香料味濃,齋食都好香口,拌咖哩食一流。呢度的Masala tea接近係最好飲的,Masala香味好突出,茶味香濃,奶滑,整個茶味道有層次。人手唔多,預左有時叫野要等一等,有時去餐廳食野,我覺得都係要互相體諒,整體服務我覺得係唔差。 continue reading
(The above review is the personal opinion of an user which does not represent OpenRice’s point of view.)
Trainee Gourmet 2016-02-14
892 views
活蘭印度素食,顧名思義呢度既菜式都係素食,咩肉都冇架,佢地用既材料都係薯仔、瓜菜、豆類、香料等等,重有啲係有芝士既。我好鍾意食印度野,之前幾次係呢度叫外賣自取,因為一開始唔敢堂食,佢間鋪晏晝唔係開好多燈,入面又冇咩人,成日唔知佢究竟開左未😅有種令人怕怕既氣氛。不過有次拎左佢地張menu返去睇,見到個南印度套餐好似好得意咁,入面有好多種小碗裝既菜應該冇得外賣,就的起心肝去堂食喇~ 一上枱真係嘩一聲!成張枱咁大個銀盤!上面裝住八個小銀碗,另外除左三塊烤餅之外重有一大碟白飯同一塊薄脆,一個人要食哂都真係有啲難道~佢menu重寫在合理情況下可要求refill😆 八個碗裝既佢地中文叫泥醬同醃菜,有南瓜味既醬、扁豆醬、印度酸辣湯、平時食到既咖哩、用左好多豆同青瓜煮既醃菜,重有白色果碗係印度乳酪,質感比平時食既厚身,佢幾款泥醬都幾辣,可以用黎中和返個辣味,最細果碗仔係又辣又咸既醃檸檬皮??唔知呢個應該算係前菜定比人食完清一清味蕾既呢?脹卜卜入面其實係冇野既,煙煙un un,搣開佢地黎點野食好好味呀佢地menu有中英文版本,有需要可以問佢地拎中文版黎睇,不過唔係每道菜都有相睇,睇個名係估唔到有咩係入面😅服務方面,佢地唔係好熱情招呼果種,比人感覺冷漠同幾內斂,不過佢地幾helpful架,例如我會問佢地啲醬係用咩材料煮,佢地都好有耐性解答,走既時候個個都會同你微笑byebye,係自然果種唔係訓練出黎果種🙂 continue reading
(The above review is the personal opinion of an user which does not represent OpenRice’s point of view.)