自在素食 (Closed)

好多年前已試過買一次外賣, 當時因為隔左太耐所以冇乜印象,見前幾日經過諗唔到食乜於是走左入去坐, 點知換嚟無限後悔。首先味道已經唔好, 好多都係生粉獻汁就當調左味, 啲菜都係黃嘅, 又少。裡面裝修亦好舊, 心諗坐得唔舒服都算啦, 最嬲係乜? 最嬲係老闆態度極差之餘, 我成餐飯仲不斷大聲講野,而且仲係妄語, 何必呢。你開素食店, 除左賺錢我以為仲有一絲向善, 點知把口咁, 真係作為食客都食得唔安心。諗唔到再光顧原因, 反正旺角太子仲有其他選擇。

環境好迫 ，坐得唔舒服，環境嘈吵 ，不適宜聚會 。食物認真一般 ，這個價錢可以大把選擇 ，不需要選擇這間 。服務差 ，等待很久才有人落單 ，只是地點在旺角，其實也不近火車站和地鐵站。不會再幫襯

D菜等左好耐先黎到都算，送到上台仲要微溫既。問多2句仲要態度勁差，又唔係唔比錢，叫你換個碟jei，永不再幫襯。 加上，本身就係想食清淡d既 但就勁多油，加埋個溫度，完全放唔入口！

之前有朋友來過食自助午餐話ok, 上黎睇食評又見到有人post過晚巿自助餐所以諗住一試點之原來已經冇左好耐，自有$55幾餸套餐，下次記住睇post要睇埋日子不過唔自助, 其實散叫都冇問題4個人叫左3餸1麵1粥菠蘿金沙骨，呢味最好食，甜酸味平衝, 亦有鑊氣法輪卷, 份量足，下面墊底的菜亦好多三杯茄子杏飽菇唔記得影, 有金不換的香味, 不過有幾舊茄子不是很淋干乾伊麵，都ok粟米粥, 好多料，味道都清甜, 一碗滿到瀉埋單450左右, 整體感覺比較街坊, 樓面得兩個, 有時會唔知去左邊而樓面亦偏窄和三尖八角，唔算好坐。不過街坊就預左。

Black Friday....是日七夕小編因為被大陸人係地鐵急停時，將一個肥婆+MTR 急停既衝突力, 全集中係佢個斗零高跟鞋的跟個度，之後一下踩落腳背（著左flat,冇保護），所以去左睇跌打先路過此素食店....茶每位$7，服務ok gei 都，但係點左個菜遠xx飯，除左d 飯未熟，仲要重中之重，食到差不多最後先有發泡膠同阿姐講，佢完全目冇表情，跟著黎手搶左你個有發泡膠既匙羹，毀屍滅跡....之後我話「下....」佢當聽唔到掉頭走....跟住臨走時，聽到隔離台好似話「d 飯唔熟...」我話 「咁啱我都係」，之後同阿姐講，佢話好正常wor, 故事到呢到，所以大家自行判斷同對號入座la ~~~

同媽媽一齊住，基本上日日都母親節，過時過節點都同媽媽去行下食下二百幾蚊個二人餐，每位茶錢同加埋一都係$350，以而家樣樣貴又節日真係好有良心，試過有間食市過左母親節成個月仲收緊加20%咯好在媽媽有戰鬥力，其實3個人食都夠，兩碟餸都好大碟1)素紅燒雞絲翅 ~ 味唔錯咸左少少，一人有一兜2) 素咕嚕 ~ 個素肉好味3) 法輪卷上素 ~ 外脆內軟素卷吸左髮菜汁好正4) 生磨合桃露 ~ 甜度同杰度剛好，可惜我太飽，食左半兜扯白旗平時有88位素食自助，又有人專登黎食炒麵，等我下次同媽媽再黎

今日要過海觀禮。順便出去食個lunch先。呢排好想食素。上網搵到太子有素食自助餐。岩哂我呢個大胃王。未到之前睇到食評已打定底，知道呢到嘅服務麻麻地。可能無期望，所以覺得未至於好差嘅。但當然唔係好啦！入返正題。分兩層，下層係散叫，上層係自助餐。午市自助餐 $73一上到去睇睇有咩食先。有兩款包，湯，粥，糖水。熱食5-6款。炒飯，炒麵，蕃薯。齋滷味，生果，炸物。齋滷味，幾好食，最中食齋叉燒！熱食最特別嘅係有芋頭魚。醃蘿蔔好好食，好開胃，食完一碟又要夾一碟。$73無加一，食90分鐘。都幾多人架。但我覺得食過一次就夠！

咁岩出街買野，叫埋屋企人出黎食晏，搵到太子有間齋鋪做buffet喎，$68 ！？老實講，呢個價錢出去茶記都好接近，食西餐就更加貴，所以唔洗諗，去試試先！Buffet area 就唔算好大，款式亦都唔多，加埋20款都可能冇。。。不過咁既價錢可以接受有素鵝，有五香烤麩淨叫個芋頭魚的話都唔平，呢度一人價錢就可以食到，外脆內軟，每次出兩條，唔怕好快凍左唔好食齋滷味齊，味道正正常常有菜乾粥，仲有花生同辣蘿卜比你加炸饅頭，仲炸埋素奶皇包，另外有紅豆同馬豆大菜糕，不過自己鍾意魚膠整既多d. 整體都唔錯，大家可以一嚐

有朋友叫我們去這裡試吃素食，我們一行四人去吃；這是一間設於一座商住樓宇一樓的食店。座位不大舒服，坐位較為迫；員工的態度不禮貌，地方也不大清㓗，將枱也十分油膩。叫了四個餸再加一個炒飯；第一那個北菇炒菜除了D汁較鹹外，菜也煮得過火，太淋；第二羅漢齋豆腐D豆腐炒到散晒，味精十分重領到我們很口喝；那素鵝的味道怪怪的，絕對不新鮮；最差是那個炒飯, 一個字「油」，淡而無味，十分無水準。只此一次，下不為例。

😀 今日朋友相約食晚飯，話想轉口味食D清淡野？我話不知去齋舖食蒲飛？大家一拍即合！下午5點收工後，“兩條冷”踩咗去太子的“自在素食”店。一般有蒲飛的齋舖，通常初一、十五會暫停供應，呢度都唔例外！入場埋位後，部長送來1壺玄米茶，清甜解渴！同X地出品的不遑多讓！一開波，我就試咗兩款素食小炒拼炒麵，OK的！跟著試玉子豆腐拼蛋炒飯，以及五色雜齋，全部都合格！接着的老火湯，聽說係青紅蘿蔔，幾好飲！反而粟米粥則平平無奇！可惜今晚冇桂花糕，上次真係令我一試難忘！是日生果只有蜜瓜！味道還可以！我前後共試食咗5輪，便“收彊”埋單了！“出賽”90分鐘而收費$83一位。都算抵食、合理啦……😀😀😀！

食物ok! 自助餐裡有大約三十款食物！我最中意食芋頭魚，不同齋老味，點心都好正，有蘿蔔糕、春卷！最令我surprise係有埋糖水，仲有好正好特別的黑糖糕，嘻嘻。價錢好！員工態度好，不過似乎唔夠人手，等左一陣先有人開茶。我覺得可以改善下。坐位都好舒服，第二次黎，比以前好，因為二樓比較鬆動。美中不足是不夠冷氣。係個值得一試的好地方，可以慢慢傾計唔趕我地走！開心的體驗！好滿意！！大食的人唔錯！我地一家大細黎都好方便，好近地鐵超方便！正！！

朋友知道媽媽食素，專登推介自在素食嘅自助餐，話以前東張西望都有介紹。趁前幾日放假就帶咗媽媽黎試佢嘅午市自助餐。地點係太子地鐵站附近，行兩三分鐘就到，非常方便。價錢亦都只係$58一位，好抵。之前成日陪媽媽返大陸食素，以自助餐嚟講，款式同大陸相比係算少，但都唔係話太少，都有成十幾樣，款款都好熱。食物質素都唔錯，我最鍾意食佢嘅齋鹵味，粉絲茄子都非常出色，好入味。炒麵更係我嘅至愛。甜品方面，糖水同涼粉分開擺，可以自己調節甜度。媽媽都讚佢抵食，叫我多啲同佢嚟食，下次再試下佢啲小菜。嚟之前都有上嚟睇過網友comment，見到有一位網友踩得好勁，但朋友又話ok，先抱住試一試嘅心態幫襯。店內有一兩位員工服務態度的確麻麻，全程黑面，好似唔歡迎我地嚟咁。但大部份員工態度都親切友善。雖然香港人出咗名無笑容成日黑口黑面，但希望下次再去時，唔會再有人黑我地面啦。我地去時樓下無晒位，店員帶咗我地上閣樓坐，聽聞平時食自助餐就坐樓下，叫小菜先上樓上。閣樓嘅位置坐得幾舒服，係平時酒樓式格局。樓下啲位望落去就窄咗啲喇，不過都明嘅，開係旺區。要嚟裝野食嘅碗碟擺咗係湯左邊，自己攞自己換。飲完湯食糖水都可以有得換。見佢貼咗塊減

唔知大家對吃自助餐時永遠用著同一隻碗、同一隻碟有咩野睇法？另外，如果每人各「配給」只可用兩隻碗兩隻碟同一隻湯匙，又唔知道大家覺得夠唔夠用呢？「自在素食」位於太子，警察遊樂會旁。早年曾以超級無敵低價的早午晚自助餐進行招徠，自助餐裡用正面的形容詞來說叫「輕食」，用負面既形容詞來說叫「無野食」或用另一心態「自助餐都是捱凍蕃薯」。不過，因為當時過份平，所以就算服務唔好坐得唔舒服無咩野食都咩都算。日子一日一日的過，「自在素食」也加了價，除了加了價外，還限了時。「午餐限60分鐘」「晚餐限90分鐘」。但菜色不增反減。雖然加了價後的「自在素食」依舊平，但相比起香港好幾間素食店自助餐，就反顯得佢不但沒有吸引力，而且仲要係好差，「服務差、品質差、廚藝差、坐得差、款式少」，唯一的好處是「方便」自助餐以自行拿自己隻碟出去「不」的形式。菜式如下：1. 蕃薯 2. 炒芽菜 3. 粟米粥4. 紅豆沙 5. 素咕嚕肉 6. 炒翠肉瓜7. 薄切蓮藕 8. 多油豆腐 9. 齋滷味10. 少料的湯 11. 炒烏冬 12. 多油炒椰菜 沒了唔知大家覺得以上款式夠不夠，你可以說，幾十蚊你仲想點丫？但我又想說，如果你拿著個碗「不

大年初三赤口、相約友人如素.早上先致電查詢有否營業順便預約在太子站E出口遠遠一看，很清晰的綠色招牌-自在素食。一行三人被安排到樓上的位置，地方及佈置不錯.可惜廚房播放太輕快的流行歌曲好像有點不合適我們選了以下三款菜式：紫菜荔芋卷味道不錯、略微炸硬了少少松子菜芯粒炒飯不太油我很滿意另外飯也不硬（吃慣軟飯）最後是竹笙扒豆苗豆苗夠鮮嫩、竹笙完全入味這次飯聚整體來說都很開心有機會我都想試試自助餐那部分，只是新春期間暫停

早前食過晚上散叫，亦得知早午晚都有自助時段，所以決定會再試。今日一試，先知呢度個素自助非常出色。雖然種類唔多，亦冇甜點糖水，但係每樣食物簡單得黎好好食。如粟米粥，煲好唔落任何調味，清甜可口，自己加鹽調較味道。又好似腸粉真係條條都入曬味，色水又靚，多食都唔會濟胃。涼伴大豆芽菜簡直冇得輸，！少少辣，爽口又開胃最正係白煮粟米，真係睇樣完全唔知係咁甜，而且供應份量好充足，夾極都仲有。我一個人起碼食左5舊粟米，超甜超香。唯一係齋滷味少少失準，質地有點硬，但味道係好的。