9
7
1
Above information is for reference only. Please check details with the restaurant.
我都明白有時價錢平,質數方面都心中有數架喇~但真係估唔到係咁離譜姐!話說上月24號同幾個姐妹去打邊爐, 因為團購左既關係, 已經預早幾日BOOK定位,而且酒樓方面都有早一日confirm返我係19:00 既!!到左果晚7點鬆d去到, 已經好多人企哂係門口等緊, 咁我地就俾左幾張團購from個知客, 順便問大約要等幾耐, 佢就塞左張飛俾我, 話:"等叫NO啦"(語氣唔好) 好啦~因為我地未齊人, 就邊傾計邊等...19:30齊人, 我就問多次到未, 因為book左7點, 佢望一望個list話:"book左都要等架喎!"我:"既然係咁, 我book黎有咩意思? 入面豆潤咁細, 你就咪收咁多街客啦!!" (因我見不停入walk in客)佢唔出聲, 話好快到我地咁話~無耐有班c9都燥底, 都係咁鬧!!!我都廢事出聲喇, 唯有繼續等...19:45我又問多次, 佢話埋緊單!! ok, fine~20:00我再問佢:" 阿姐呀, 你話埋緊單果張台係幾號, 我睇下佢埋單埋成點!!咩單要埋15分鐘咁耐呀!?"佢答:"3分鐘有台!!!" []幾經辛苦, 8點鬆D先有位... 一坐低即點野食, 肥牛,芝心丸,脆肉鯇等等...肥牛>>真係全部係白色肥膏, D肉唔知去哂邊~~丸>>次次黎都得幾粒, 點分呀!!魚皮餃>>又酸又臭!!菜>>原全冇洗ga, 仲有沙!!款式選擇少!!!熟食方面, 係要出去拎o既, 但因為我地8點幾先入座, 咩都俾人食哂, 成張台好似打完仗咁, 而所謂任食"高級雪糕", 都係冇哂o既...漏單我都算, 叫左3,4次唔黎咪當冇囉, 雖然好想食脆肉鯇 但點知隔離台個中年女人同我一樣都好想食脆肉鯇, 仲叫埋經理黎鬧!!中年女人:"我突登黎食脆肉鯇, 你竟然冇? @#$%*#$2分鐘後, 我眼見經理拎住2碟脆肉鯇放係佢台度, 我即刻火到黎, 搵經理!!我話:"你係咪放錯左碟野係隔離台呢?我入左3,4次單都唔黎都算, 人地發火就有呀??" 經理:"都唔關我事架, 廚房執架喎!!"之後死死地又拎返碟俾我~
continue reading
在下向來都喜歡飲茶，就算在下自己一個人去，也可以飲得津津樂道。之前去飲茶、除了去過蓮香樓外，在下多數去點心專門店，今次卻走到觀塘廣場的一家酒樓飲茶。由觀塘廣場乘坐升降機到達十五樓，就見到了德星酒家，向接待員接過點心紙及一眾食品紙後，侍者引領入座。入座後，其酒樓都幾寬敞，坐位間也有空間，在下感覺都算舒適。當在下看過點心紙及勾選點心後，就品嚐一下茶。茶壺內盛載的是壽眉，是在下喜愛茶葉之一，初時味道未有強烈，只是淡淡的一口，當熱水泡過茶葉後，茶味滲出，開始味濃，之後亦有甘苦。雖然有甘苦味道，但在下並未加入白熱水沖淡，只有讓茶葉繼續洋溢它原來的味道。首先上場的是蜜汁叉燒腸。叉燒腸粉看起來皮很薄，可以看到內涵。當在下用筷子夾開，未見散開，再呷一口腸粉，皮確是較薄，但腸粉未見滑溜。叉燒是呈現粒狀而且較腍，味道是尚可的。然後輪到了鮮蝦菜曲餃。從表面看來，蝦餃較為濕潤，似乎蒸得過了火候，不見得乾身，而且夾起來已經散開了。吃下時皮較厚，菜曲尚算青綠及爽口，而蝦仁則則較彈牙但未見爽口。至於潮州粉果，同樣地與鮮蝦菜苗餃有同一的問題，就是蒸得過了火候，粉果表面同樣地濕潤，當在下夾起第二件時，由於粉果太黏，結果就散開了。粉果雖然饀料豐富，但是今次卻欠了爽脆，原因是粉葛較腍。最後是雞扎。今次飲茶中此道點心較為好一點，腐皮把內涵包得結實，蒸得尚恰到好處。雞肉都很嫰滑不嚡，魚肚同樣吸收了內涵精華，都幾好吃，芋頭雖然有點硬但蒸得很粉，(在下喜歡吃較粉的芋頭，這是個人喜好)，逼雞扎不用豬肚反而用上了火腿，是十分普遍的，也見逼火腿蒸得很腍。論味道，其實味道抦不差的，只是部分點心蒸得過份而言，若非蒸得這麼濕潤，味道就會更好。至於侍者的服務，也算是殷勤的，至少不會舉手一段時間才會有人應。
continue reading
一家3口....本來念住求其搵間野食...本身念住食晚飯的...但入到去見到好多人打邊爐...咁就轉左去打邊爐....一坐低見到人出去拿果D熟食..好像好正咁...唔汁輸我都去拿埋一份先...一出到去...嘩咁多野食GE....拿左幾轉 (睇相)仲有串燒影唔切太搶手...個爐未滾我就半飽啦....98蚊低返晒.....
continue reading
有個fd推介話哩間ok。於是同14-15個fd去德星打邊爐慶祝生日。首先14/15個人逼埋1張枱已經好唔滿意，勁逼。但哩間野既價錢算係幾平，除左有火鍋料之外，仲可以出出面夾d熟食。例如，雞翼、茶葉蛋等。出面仲有兩個筒裝住汽水&啤酒。同埋有個雪糕櫃(擺到好亂，有d雪糕連蓋到甩左) 之後我地叫左d野食打邊爐。單上寫左7碟肥牛、2-3碟鮮魷、牛柏葉、豬肚、牛肉、鴕鳥肉。幾分鐘後就尼野，但竟然尼既做只有1碟鮮魷、1碟牛肉、1碟鴕鳥肉、1碟牛柏葉、2碟肥牛。貨色都係無咩特別。 然後佢真係夠擔死。過左10分鐘都唔尼野。於是同個部長講，之後佢就膚顯到拿了2碟肥牛比我地就算。(我地成14/15個人，你唔係玩野啊嗎。尼咁少野。) 成日都無咩落過肚咁，真係虧曬比佢。 一定無下次。非常差的任食火鍋
continue reading
$88 自助火鍋 任飲任食兩粒鐘食物: 唔評論, 因為一分錢一分貨價錢: 在呢一區應該唔算特別平又唔算貴啦, 服務: 據網站所講佢地收凌時12:00點, 我地約22:00到, 食到大約22:45經理走來說Last Order, 我地不約而同都覺得太早喇, 跟住好快手轉個頭就隊張單埋黎...其實應該係因為收銀小姐要收工, 所以咁早就要截單, OK, 但d食物飲品已經唔再refill, 問佢仲有無可樂, 佢話無之前剛剛上來時已經問左樓面仲有無可樂, 跟住樓面叫個阿姐入去拎D出來, 但聽到果個阿姐應左"哦"之後轉頭就消失了......都算喇, 食到11點幾D樓面已經走得八八九九......得返個一個經理一個樓面一個唔知咩員工.......燈又熄左部份, 令客人感覺很差
continue reading