德發牛丸粉麵

Open Now

Now Closed

好耐無去海防道食野。今日返去尖沙咀係德發食個晚餐。點咗個墨丸加魚蛋撈麵，加埋杯凍檸茶。總價$70。個撈麵係用蠔油。墨丸好彈牙。好味。魚蛋爽口。魚肉鮮甜。個撈麵好幼。混入靚湯，好味。

尖沙咀通常d 午餐都比較貴起碼都6-70 蚊一餐旅遊區加旺區都冇計呢間牛丸係熟食中心入面同場仲有幾檔茶檔 有食炒野la 豬排la 等等以前就環境比較一般通風差時又非常焗我諗你夏天你唔會頂得順係度食而家裝修完， 環境好左， 通風好左雖然都有d 熱， 不過叫做接受到冬天更加冇影響la一次過叫左牛丸加墨丸牛丸好彈牙， 好香牛肉味自己可以食辣， 會加佢既辣椒油 好刺激， 墨丸都不錯不過兩者之間我就會prefer 牛丸多d 唔怪得都好多上班族同遊客黎食

在2024年第一日，好想支持本地大排檔。由於早一晚，睇番某電視台節目是推廣香港不同地區的大排檔，睇完之後便好想食！第一節便是推尖沙咀大排檔。我好幾年前食過不知邊一間啦，而且當年仲未裝修。今日到此，見到新裝修，感覺較以往企理。即使如此，一入大排檔內，氣氛依舊。充滿了活力和人氣。我們到達時，都過了最繁忙的中午🕛時間，但都繁忙時間尾聲吧！我們都找了一找。先有搭台。先坐定定，環顧四週，參考吓其他食客點什麼🤔！發現都很多人食牛丸粉面。當然，我一心來，都時想試下牛丸。（因為節目有推薦）。1）牛筋牛丸米-牛筋好軟，好入味，好冧身，不錯👍🏻好食😋2）淨牛丸-湯底好好味🤤！牛丸本身都好有牛味，而且都算爽和彈牙。不過友人話，比以前差左。不過，即使比以往差左，都仍然比外面好多牛丸好食的多。兩碗盛為$80

N年前去過海防道食牛丸都覺得唔錯。。。夠彈牙。。。又有牛肉味。。。可惜嗰時未裝修。。。比較擠迫同殘舊。。。所以都有好一段日子無嚟過。。。今日心血來潮。。。特地走來吃碗牛丸河。。。😋😋😋裝修後，燈光都比從前光猛。。。坐得舒適點。。。最主要地方都比從前乾淨好多。。。無咁濕淋淋嘅感覺。。。😁😁😁下午茶時間，又不算太多人。。。不用等坐位。。。✌✌✌牛丸河味道真的不錯。。。湯不算太咸。。。牛丸跟從前一樣彈牙。。。而且食落還有少少陳皮味。。。正！再加上一碗牛丸河有五粒牛丸。。。都係$40。。。真心覺得抵食！

喺海防道熟食中心入面，除咗某間食豬扒嘅餐廳好有名氣之外，其實週圍嘅餐廳質素一啲都唔差。例如今次食嘅得發牛丸粉麵畀我想像中好好多喎，而且價錢又唔貴，都好抵食🤗🤗叫咗一個牛筋牛丸嘅淨食，牛筋炆得好入味但又唔會炆得過火，依然食到佢嘅口感，一口咬落去滿滿都係骨膠原嘅感覺。牛丸嘅牛味非常之重，勁有彈性，一口咬落去，有肉汁喺入面爆發出嚟，真係好食呀。另外有幾條生菜作為配菜喺個碗入面，吸收咗湯汁嘅味道都好食呢😛😛🌟🌟👍🏻👍🏻40蚊就有淨食牛丸牛筋幾化算㗎😉😉🤗

香港嘅大排檔已經買少見少，雖然天氣好熱🥵但係🖤黑白配⚪️都好堅持要入尖沙咀海防道熟食市場食下正宗嘅港式風味牛丸麵！如果朋友仔想體驗吓懷舊港式風味都好推介，呢度有好幾間唔同嘅小店，都係香港特色茶餐廳嘅平民美食👍🏻熟食市場全部都係懷舊年代嘅大排檔擺設裝修，一張張嘅圓枱同埋摺凳，雖然個環境冇冷氣，但係有大風扇，所以都唔算話太辛苦🌞呢間牛丸麵檔都算幾有名氣，細細個已經聽過佢個名😂😂今次過嚟食嘅係回憶😍牛丸牛腩湯米粉 $40湯底有好濃郁嘅牛肉湯味，好鮮甜，🖤黑白配⚪️食完碗麵之後飲晒啲湯😂配料方面牛丸彈牙但牛味唔算太重 ，牛腩炆得好入味，咬落去好林，肉質一啲都唔鞋😍😍😍咖吔多 🍞 $16椰香味好重，麵包咬落去都好軟熟，同埋個醬好足料

10年前黎過 10年後裝修完 今日同朋友專登出去尖沙咀海防道熟食市場打下卡 都知道入邊冇冷氣自己準備咗風扇 不過全場都有大風扇吹住唔覺得熱 朋友第一次黎 佢叫咗去得德發一定係叫牛丸既米粉食 自己就佢叫個牛雜撈麵 牛丸保持水準 多汁 彈牙反而要讚一讚個辣椒油 個人口味覺得同個撈面幾夾 ，牛雜又足料，辣油唔太辣得來又香 好味 加埋杯鹹檸七 同地道奶茶 大滿足本身諗住試埋呢佢地個西多，但係已經太飽啦 唯有下次再嚟啦懷舊歷史既老店需要值得支持 下次會再嚟

尖沙咀海防道熟食中心重新裝修之後，居然茶餐廳嘅質素都保持到，最最最重要嘅係價錢好相宜🥹 (重要嘅事講三次)牛筋牛丸米粉($40)：牛筋好入味，煮得好淋🤤而牛丸我哋食唔出佢係手打定係機做，不過佢嘅質感好彈牙，而且食落仲有陣陣陳皮香味，味道出奇地夾👍🏻牛雜墨丸粗麵($40)：牛雜份量都算正常，而且無異味，味道香而濃，不過如果可以多啲就仲正🤣。墨丸都好彈牙，食到墨丸嘅鮮味🦑 粗麵就冇鹼水味，不過不失啦！食佢哋嘅粉面就記住落幾滴佢哋自家製嘅辣椒油，味道會再上升另一個層次🤩咖吔鮮油多($22)：呢個價錢，俾到呢個質素都冇投訴㗎喇😮‍💨 咖吔味道唔會太甜，唯一挑剔嘅係牛油可以厚切啲🧈🤣天時暑熱入去呢啲熟食中心唔叫凍飲真係對唔住自己🤣❄️而且跟餐叫，嘢飲會平兩蚊雞🥹凍奶茶($18)：茶底唔錯，幾香，而且口感濃滑。甜度適中，飲完之後口腔仲有淡淡紅茶香氣。飲得出唔係用死茶嚟沖👍🏻奶茶紅豆冰($24)：茶底同凍奶茶一樣，我哋呢度唔累贅，估唔到嘅係紅豆冰加埋凍奶茶係好夾，不過食完都幾飽，女仔要留意☝🏻嚟呢度食炸豬扒，可能大家都食過，不過我哋發現除咗炸豬扒之外，其他餐廳質素都唔錯，有機會去試吓啦🙌🏻

今次嚟到尖沙咀海防道熟食中心因為係開放式熟食中心入面係冇冷氣，只有勁大風扇雖然天氣好熱，但係都不失人流入面有好多間好出名嘅餐廳無論係本地人，定係旅客都會嚟呢度食飯 🈵今次我就試咗合香園同德發牛肉丸合香園嘅沙嗲牛肉麵，花生味道比起出面嘅沙嗲重，鍾意花生味道重嘅沙嗲嘅朋友一定會好鍾意呢個沙嗲牛肉麵而牛丸真係好重牛肉味，好香又爽口彈牙，個湯底都好清甜，搞到人食唔停口 😍

海防道熟食市場裝修完畢, 重開之後成為旅客打卡熱點, 我還以為這些半露天的熟食中心, 坐得並不舒服, 沒有冷氣, 甚為炎熱的情況下, 他們也吃得津津有味, 我只能說這就是地道的香港故事, 比起高官口中說的更有說服力. 德發牛丸基本上就是這裏我最常吃的, 簡單一碗牛丸米, 在這百物騰貴的尖沙咀, 這裏就是糧尾恩物.裝修過後的牛丸的基本味道, 和原先沒有分別, 最有分別的也許就是𠄘載的碗比之前更為光鮮. 牛肉肉香港不錯, 肉汁豐富, 裡面夾著陳皮香, 令其味道更舒服, 口感彈牙, 就是比一般的牛丸, 在味道和口感上的強化, 個人以前很喜歡這風味, 現在則有點變化, 喜歡的是口感淋一點, 有點黏口和纖維感的牛丸.Tak Fai is one of the most famous beef meatball at TST. The texture is so spongy and the meat taste is really strong. Pricing is cheap so that it is good for us who have no money at the end of

今次見今日不太熱，去食海防道名物。德發牛丸，牛丸彈牛帶芫荽香氣，配合腍滑牛腩和濃香腩汁，好香！重點係環境相當有香港風味，難怪咁多遊客都要去呢個海防道，熟食中心食一碗牛丸麵。如果唔夠飽，可以加多士同一杯。熱奶茶，飽肚又感受到香港味道。不過天氣實在太熱，餐廳內並沒有冷氣，只靠風扇吹出涼風。阿女建議平日去食，因為人流較少，會坐得舒適。若然假日去，就要感受背脊貼背脊嗰種逼夾感覺。阿女都好推薦，自己都諗住，下次再去！

今日body check 完就約左朋友係尖沙咀食晏，其實又無乜特別想食，朋友話睇過介紹話熟食中心有幾間餐廳都唔錯，我經過過甘多年一次都無入去食過😂咁今日就試下啦。..常餐 $45叫左沙嗲牛肉麵配腸蛋加多士，正常發揮，多士烘到幾脆.雙拼 $40既然呢到出名牛丸就試下，朋友話想食埋牛筋甘就叫個雙拼，但我估唔到雙拼牛丸得兩粒😦我以為都有四粒😦牛肉普通，無d人講到甘好食😩牛筋我唔食，不過聽朋友講不過不失，總結係名大過實

上一次食應該十年前，當時未裝修，環境麻麻地，不過已經好出名時至今日新環境，原味道。時間大概係6:30周圍嘅舖頭都冇乜人，係呢一間坐滿晒，其實環境好似food court，但係有分唔同枱係屬於唔同鋪，所以坐位時要好注意好小心，點餐唔需要猶豫一定係牛丸，不過只係考慮會唔會雙併同埋叫乜嘢粉麵，最後併咗牛筋牛丸米粉，湯唔係清湯係腩汁，牛筋晶凝通透非常稔，牛丸一流👍，米粉有啲硬，整體好高質。另外叫咗西多，其實係隔離供應嘅，舊年都有食過👍走時買咗半斤生牛丸$150.一斤。

趁天氣熱之前，再黎到尖沙咀海防道熟食市場。有人喜新厭舊，有人鍾情懷舊，你屬於邊一種？！見好多人都話德發牛丸名過於實，差左好多…平心而論，比起以前未裝修前，係退步左…不過呢個地方依然係我時不時會諗起、會去食嘢。食風味，非口味！好多野往事只能回味，趁佢仲喺度，咪去感受下已改頭換面既港式口味。⭐️淨牛丸 口感彈牙有牛味，略為唔算好Juicy，配條菜菜同埋蔥！⭐️西多士不過不失 都係咁⭐️紅豆奶茶 & 熱奶茶就係凍奶茶加入左紅豆，紅豆煮得唔夠粉、林。熱奶茶偏澀味，係我鍾意的！

202302平日--德發牛丸粉麵地址: 尖沙咀海防道390號熟食檔年初七第一次到海防道熟食中心揾食，新年緣故，好幾間食店都未開，結果吃了中伏豬扒。當天再到訪，終於吃到德發牛丸熟食中心自行找座位點餐:牛腩河一碗($38)，放了兩棵生菜，賣相加分牛腩切得比較細碎、不過份量也多，炆得軟腍，牛腩牛筋牛味濃河粉細滑，粗幼適中淨牛丸($38)8粒大大粒牛丸幼滑得來帶少許根，爽口彈牙有牛味又有果皮味的牛丸埋單: $76不求環境、不求服務，只求味道的地方牛丸味道不錯，值得一試