69
44
14
5-min walk from Exit D1, Tai Koo MTR Station
continue reading
Opening Hours
*last order: 21:30
Mon - Sun
11:30 - 22:00
Public Holiday
11:30 - 22:00
Public Holiday Eve
11:30 - 22:00
Above information is for reference only. Please check details with the restaurant.
睇呢度之前啲食評 ， 都好同意幾年前似乎轉咗手 ，日本人師傅冇再喺度， 但味道依然好食， 重播放8 90年代嘅日文舊歌， 非常之有氣氛。 幾個月冇去食 ，但今日再去，已經變咗播普通話歌同埋舊嘅香港歌 ， 氣氛極為奇怪， 師傅都變咗， 夥記又轉咗人，menu都改左少少， 似乎又再一次轉手， 變咗一間普通嘅香港扮日本餐廳。 首先叫咗大勝軒沾麵， 個湯已經唔夠熱， 雖然有三嚿叉燒但係非常之肥，肥到都唔知點食 ， 同埋冇以前咁好食，梗係覺得個湯啲味爭啲。以前啲水杯非常乾淨 ， 而家去飲水好似有洗潔精味添。 一直以來去大勝軒食沾麵聽日文舊歌愉快嘅回憶就咁冇咗，睇嚟以後都唔使再去 。
continue reading
介紹返💁🏻♀️。。🇯🇵 拉麵 在太古 🇯🇵。大勝軒丸一 Taishoken Maruichi。太古城太豐路3號金星閣G1018號舖。特製沾麵 Special Tsukemen紫菜。味蛋。筍乾。五花粒。叉燒 @ 3枚Seaweed。Marinated Egg。Bamboo Shoot。BBQ Pork @ 3pcs。HKD95 特製拉麵 Special Ramen紫菜。味蛋。筍乾。叉燒 @ 4枚Seaweed。Marinated Egg。Bamboo Shoot。BBQ Pork @ 4pcs。HKD98大勝軒炒飯拼煎餃子定食Taishoken Fried Rice with Pan-Fried Dumplings Set。HKD52煎餃子Pan-Fried Dumplings。HKD30 @ 3pcs🤫 Happy Friday..老細興致大發請大家食個Team Lunch..咁我就揀咗食近排好少幫襯嘅大勝軒丸一..一夠鐘放飯就一行四人擔住遮狗衝去搵位..點知咁早去到都仲係要排隊等位..(乜原來可以訂位嘅咩?)..好彩我哋Lunch Time有兩粒鐘..而且都算係早嚟排隊..企咗兩個字已經人山人海🤫 坐低之後諗咗兩秒鐘..為食嘅我都係揀返乜都有啲嘅特選沾麵 🤫 麵嘅份量當然揀返正常啦..(每次就算食正常份量嘅麵都食唔晒..從來都冇諗過揀增量雖然一樣價錢..)然後今次試吓揀熱麵..同微冷嘅拉麵對比會比較軟熟啲🤫 照舊啦.. 大勝軒都保持到水準以上..麵條本身就係比較粗壯有少少似烏冬嘅Size..質感爽口彈牙..而且夠哂掛湯..至於特製沾麵嘅餸就係乜都有啲..嗰三大片叉燒都算厚切..肥瘦均勻..食肉獸表示極為吸引🤫沾麵嘅濃湯唔係剩係得湯..總會有少少嘅湯粉等你撈埋嘅時候味道更加濃郁..然後筍乾同鳴門卷..仲有肥仔嘅五花粒粒..呢啲點少得..其實個份量多到冇可能再加木魚湯🤫 同事仔揀嘅特選拉麵其實就同沾麵嘅份量差唔多..分別就係個湯浸住個麵所以個湯係冇咁濃嘅..然後有四大塊叉燒但係就冇五花粒粒🤫 另外一個同事仔就叫咗我從來都冇諗過喺呢度試嘅炒飯加餃子套餐..炒飯雖然都係金鑲銀..但係味道較為清淡..而餃子呢..唔係煎到非常香脆嗰種..不過餡料嘅菜同肉都非常之足夠..都值得一試嘅🤫 下期預告..Friday Night同尋日星期六都食咗好嘢..敬請期待。。翻兜指數：🙆🏻♀️🙆🏻♀️ （5個🙆🏻♀️為翻兜爆燈）💮已翻兜次數：5次💮。。
continue reading
男朋友帶路去到太古食大勝軒嘅沾麵，一入門就比佢嘅設計吸引，去唔到旅行都好似去到日本嘅居酒屋咁，可惜當日冷氣系統故障，一邊食都幾熱。叫咗最基本嘅叉燒沾麵，當然唔小得要加蛋！當日嘅流心蛋太流心，啲蛋汁已經就嚟流出嚟，惟有先食蛋再食麵。麵身揀咗適中，所以咬落有咬口，而湯就比一般沾麵淡同稀，唔係好做到掛麵嘅效果。最後叉燒都算大片淋身，不過一夾就散唔可以成片食。而當日想飲酒先叫嘅威士忌梳打都好令人失望，飲落只係梳打水，得一點點威士忌成份，完全唔推介。
continue reading
早幾年知道轉左手，我諗大約應都有 3年左右，因為日本人師傅已經冇再出現。當其轉左一班全女班打理出面，廚房依舊都係全男班；之前專門抄飯嘅師傅仲喺度做緊，但其餘兩個煮麵嘅已經唔同左人。嗰陣嘅大勝軒啲味道都仲未變，跟住廢鹽來襲，唔敢出街食，唯有叫外賣。估唔到當時大勝軒都有做外賣，但味道、質素已經明顯下降左。到今日有時間可以入去食，入到去人面全非，服務全冇，味道盡失。好好一間日本沾麵始祖又俾香港玩死左。以後只有去日本我可以食到正宗大勝軒味道。
continue reading
同朋友食飯感到服務很惡劣。食食下聽到老人侍應鬧隔離的顧客，要求已經坐下的顧客換檯，個檯客不想换，跟住聽到老人威脅：你都唔想我趕你地走啊嘛。真係眼都突埋!真係快快趣食完走左算，以後唔敢再光顧了。
continue reading