133
105
54
11-min walk from Exit B, Kowloon Bay MTR Station
continue reading
Good For
Special Occasion Dining
Opening Hours
Mon - Sun
11:00 - 23:00
Above information is for reference only. Please check details with the restaurant.
Signature Dishes
Recommended Dishes
最近發現這酒家快結速了，這晚帶娘娘來懷舊一下 ...“頭抽薑蔥魚腩”，它沾了一層薄薄的脆漿走過油，還有不少蔥，也算香口，但不夠鹹，不知道頭抽去了那兒，幸好我們也點了生蠔，用生蠔的淮鹽沾一下，鮮味馬上提升不少，不過除了真魚腩外，魚背脊佔了大半，勁多骨刺，要不斷的在“吐”，吃得不過夠癮！“酥炸生蠔”像樣，雖然不算大隻，味道、口感還可以，只是脆漿普通了點兒，整個菜合格。“豆豉蝦”，蝦還是新鮮的，底味也不錯，不過走油時略厭炸得不夠透，蝦殼未夠脆，於是那些沒有修過的蝦頭蝦尾就很影響口感，一不小心嘴巴會遭殃！
continue reading
𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎好耐冇黎食呢間，一入去就係舊式茶樓既格局，仲見到有個紅色𝘣𝘢𝘤𝘬𝘨𝘳𝘰𝘶𝘯𝘥 有個好大既"囍"字，佢既擺枱比較密，不過好在枱與枱之間都有坐地既隔版，反而感覺多左少少𝘱𝘳𝘪𝘷𝘢𝘤𝘺。🌟奶皇馬拉糕次次黎都必點 "黑糖馬拉糕"，但因為今次人唔多叫唔到一底，所以只可以叫佢細籠既奶皇馬拉糕。味道比較普通，同出面食到既差唔多🌟玫瑰雞 呢道好出名既玫瑰雞，又係皇牌。今次覺得調味比以往重手左，略微咸左少少，但係整得唔夠耐，咸味入唔到𝘥 肉，有𝘥 失望🌟炸雲吞佢既炸雲吞都幾大隻，炸得非常酥脆，裏面唔係包蝦，而係類似菜肉，比較特別。🌟蒜蓉魷魚佢既蒜蓉整得好好味，蒜蓉整到好碎，唔會食到蒜好辛辣既口感，但非常香口，配魷魚好夾。超好食!另外仲叫左叉燒腸、水晶奶黃包、煎魚餅等等。📍大榮華圍村菜九龍灣宏開道8號其士商業中心1樓2號舖
continue reading
兩個人的晚餐.本來今晚係諗住去美心食，不過有個朋友話呢間餐廳好出名，特別係元朗嗰間，結果我哋取消咗美心嘅訂枱，特登行遠少少去呢間大榮華來食晚餐。真係意想不到，唔識唔知道，一食就明白今晚目標 係食叉燒1) 我哋話呢個叉燒改咗名大榮華冇味叉燒。2）第二道菜係 個名好吸引嘅軟殼蟹又名 煎號仔軟殼蟹（厚皮），感覺同蠔餅冇分別。3）第三道特色係： 梳打粉牛肉 炒西蘭花，大家一睇就知我講緊乜😅😅祝君好運 你會再嚟食嗎？
continue reading
酒樓環境比較少而且很多人等候， 和同事選擇了這酒樓午餐做節。我們6人柯打了一般的點心，煎釀三宝，雞腳，水晶飽等等。大榮華的點心款式比較傳統，但勝在味道十分好味。食物質素很有水準，而且上菜速度很快，勝價比非常高。整體評分高, 值得推介。
continue reading
大榮華圍村菜唔講都唔知原來大榮華有三間分店。今日我去嗰間喺九龍灣。今日係星期六下晝12點左右，都有少少人等位，等咗10分鐘左右就可以入坐。入面啲裝修都幾老式。舊式茶樓嘅格局，同元朗大榮華嗰間差唔多。睇返個菜單，以茶樓來講，真係幾平。炒粉麵都係$6/70；點心就$23起。我, Mcdull同Mc老太一行三人叫咗五個點心，一碟飯，一條白水浸元朗烏頭。炸雲吞 中點$28 (8.5/10)好鬆脆，炸得一啲都唔油，個餡d肉都幾好食，個汁酸酸maymay，唔多食炸嘢嘅Mcdull都係咁食。四寶滑雞扎 大點$32 (6/10)普通茶樓水準，豬肚魚肚芋頭雞肉支竹皮，全部正正常常，個芋頭幾綿但係個魚肚就唔夠淋，奇怪。鮮淮山百合餃 小點$23 (5/10)鮮淮山百合呢個配搭其實都幾新鮮我都未試過。不過真係好淡好淡好淡，不過咁健康嘅嘢其實係應該係咁嘅。細味之下，鮮鮮甜甜，有食材嘅味道。外皮就普普通通，都唔係咁煙韌。豬膶蒸燒賣 大點$32 (5/10)依個點心我去到啲舊式嘅茶樓我都會叫。真心，未試過有一間係好食。依度食嘅豬膶燒賣，已經算係正常入得口，比起鳳城酒家，陸羽茶室都好好多了。始終蒸豬膶都幾難，啲燒賣餡同啲豬膶熟嘅時間都唔同，要煮到唔過火，好難下下搵師傅睇住。可能豬膶都係啱用嚟煲粥食。如果講煲粥食嘅豬膶，將軍澳間譽嘅豬膶粥居真係無得輸🤤白蓮蓉包 終點$28 (5/10)Mcdull 好中意食，我就真心無乜興趣，甜。我同Mudull講，你中意食就襯中秋節之前食多啲喇，唔係就冇貨。😂白水浸元朗烏頭$95 (6/10)白水係乜？Mcdull上網查過好似係白酒，我試咗啲汁，淨係覺得好鹹。襯落條魚度又唔係好覺鹹。但係條魚普普通通，肉質都正正常常。菜遠斑腩飯 $78(好似) (3/10)真心麻麻哋，雪藏嘅魚塊，無乜味。成個飯溝埋啲菜/配料，打個玻璃芡上面就算，Hea。味又比較淡，不推介。隔離枱嘅叔叔同韜韜吹咗好耐，教隔離枱嘅叔叔叔叫hidden menu - 「鱸魚兩味」聖瓜炒鱸魚飯 + 涼瓜炆鱸魚頭腩煲 $180我無試過味，但淨係用個鼻聞，用眼睇，都知喺好野。其實，新鮮嘅野，就好食左一半。韜韜仲同我講「下次唔好咁叫餸喇，你睇下隔離枱嘅菜，都係$180，平過你又新鮮過你叫嗰啲」佢真心🌝🌚三個人埋單食咗咁多嘢， $400都唔使，仲要可以見到韜韜本人，又食飯又追星，真係抵到爛。🖖我哋食到兩點幾見到張下午茶餐牌，個價錢簡直係驚為天人，喺九龍灣呢啲地方，竟然有$15一籠嘅點心，真係擔心佢做唔做得住😮💨加油啊韜韜！Mcmug綜合評分：6/10，野食正正常常，唔會太鹹或者太多味精；韜韜好nice，又好吹，心情愉快加多一分，7/10Mcdull綜合評分：8.5/10 Mc老太見到韜韜好開心，加分！
continue reading