39
18
6
Opening Hours
Mon - Sun
12:00 - 00:00
Above information is for reference only. Please check details with the restaurant.
Signature Dishes
今次幾位大食朋友得知賣豬仔出名燒烤專誠一試位於順寧道,由深水埗都要行10分鐘先到, 入面細細間搶眼既黃色招牌,橙火光得黎比較多大大饣饣既圓枱. 食物MENU90%都係燒烤同肉類, 所以吾鍾意熱氣,吾鍾意食肉就吾好黎, 我地一行幾人叫左燒乳豬:超好味, 見牆上介紹係越南BB豬,所以豬肉十分嫩滑比較細隻,大慨切到48小件,豬皮燒得十分脆口,卜卜聲,而且肉同皮中間既油脂剛剛好令到食落口不肥膩,聽講話由於師傅燒豬方法特別,所以買外賣既話乳豬擺放6個鍾仍舊脆卜卜燒雞:皮脆雞滑燒排骨:好香密糖味,比較煙UN, 多汁!串燒同冬菇一般小食勳蹄同鴨舌醬汁幾入味而且夠爽口(凍食)作為佐餐小食不錯烏頭燒得好好,食燒烏頭個皮吾食,食入面既,肉質好滑好香魚味,平凡之中顯功架整體黎講以燒烤黎計十分滿意,但真係十分HEAVY 只能間中一次,!
continue reading
多次路過, 都見有客人排隊, 是晚再次路過, 時間尚早, 不見人龍, 便馬上進去一試招牌豬仔的例牌份量, 份量不是很多, 盛惠$138, 脆皮, 薄肥羔, 少肉少骨, 其事有少許失望, 不知是期望過高, 還是真的是失色, 怎樣也好, 總算試過
continue reading
745 views
這算是一間位置偏僻的小店，不過在附近有分店，而且小小一間，幾乎滿坐，想必有一定質素，我已急不及待想試這裡的招牌菜。是晚嚐了﹕1)醬燒越南BB豬(例牌 $138) 因此人少，所以叫了例牌，數埋有10件。豬皮烤至香脆，而且攤了一陣慢慢吃仍然保持索索聲。皮下有層薄薄的豬油，不會很肥膩，餘下都是肉，幾乎沒有骨，豬肉亦沒有豬膻味，用來伴飯一流，真是欲罷不能。2)烤蒜香茄子($28) 燒蒜香茄子也是這兒的招牌菜之一，上菜的時候已聞到濃濃蒜香。事實上，茄子本身很香口很好吃，不過因為餐牌上沒文字或照片說明這個菜是辣的，所以有點中伏的感覺。不要少看茄子上紅色的椒絲，它真是挺辣的，足以把我KO。 3)燒牛舌($22) 我對牛舌真是又愛又恨，很喜歡吃，但又很怕碰到它的味蕾，感覺有點...不是太好。這兒的牛舌很腍很入味，不過我覺得可以再烤乾身一點，邊邊位置烤至金脆的話最好，而且厚切牛舌的口感應該會比薄切來的安全。餐牌上有介紹一個「歡樂套餐」，5個菜(包括招牌BB豬一隻)連飲品或餐酒，包送貨，加起來$1068，其實可能比一大班親戚去酒樓食飯更便宜和省時，希望下次有機會試。
continue reading
本人是百個喜歡食香脆肥濃的人, 對乳豬相當著迷.以前也試過想來這裡嘗新, 因為地方稍為偏僻, 要自己駕車才可以, 附近也頗多錶位, 不過食店也甚多, 而且修車店林立, 霸佔了大部份車位. 那次因為找不到泊位, 要顧而之他. 可謂緣慳一面.今次約了友人, 專誠駕車再試.晚上六點正, 我們兩人是最先的客人, 問一問在門口的大叔, 是否已經準備營業, 他點頭, 便長驅直進.內裏只有三張大治, 兩張小枱在門口, 見沒人招待, 便逕自坐在對著電視的大枱. 阿叔郤開口阻止, 要我們坐在柱後的大枱.於是無電視睇, 其實到我們半小時後結賬時, 也只得四位客人. 不知轉黎做乜.看了食評而來, 當然已經有了目標, 當下叫了: 乳豬例牌, 滷水豬仔腳, 燒茄子.五分鐘後, 乳豬先來, 份量頗小, 有十二件, 很薄的, 每件大約兩厘米乘四厘米, , 有微溫, 是芝麻皮, 一口咬下, 脆是脆了, 不過很硬, 沒有肥膏, 沒有肉, 只有皮和內腔燒至很韌的膜. 口感甚差, 味道是不錯的, 有火炭的燒烤香味. 4分. (百多元顯然不值).跟著的是豬仔脚, 是去了大骨的, 賣相不錯, 入口時頗為爽滑, 調味不錯, 不太鹹, 是沒有跟上汁醬的. 7分. (48元也不廉宜).差不多吃完前面兩樣才上的燒茄子是即燒的, 很香, 有很多蒜蓉和葱粒在面, 不過吃落頗為肥膩, 調味太鹹, 吃完第一件才發現那皮是給燒成焦黑, 過了火, 於是以下的便小心翼翼的去了皮才吃. 4分, (28元也是不值).總的來說, 這店的水平是很差的, 包括地方, 服務, 食物, 都不合格, 以後不會再來了.
continue reading
小弟係乳豬迷, 所以此食店一直等緊機會去試, 終於, 就係今天了.星期四晚上六點去到門口, 第一個感覺係: 好似舊式燒味舖.入去裡面, 地方並不大, 而且, 冷氣亦唔太夠, 比較焗.看看餐牌有咩食先左度右度後, 叫咗四款嘢:1. 醬燒越南BB豬 (例牌) $138都話係乳豬迷, 咁點會唔叫呢. 例牌份量有 12 件, 其實即是四份一隻豬, 因為伙計話一隻有 48 件, 半隻有 24 件.雖然估到一定唔係即燒, 但上枱時仲熱辣辣, 乳豬皮脆卜卜, 而且零肥膏, 乳豬肉質感有咬口, 一啖食落去口感十分豐富.不愧為主打菜式, 推薦.2. 鹵水豬仔腳 $48份量比我預期中多, 有成十多舊, 室溫的溫度, 如果雪一雪佢會更好.豬皮爽滑彈牙, 如果酒味再重啲就再更好.3. 燒秋刀魚 $42一般貨色, 燒得十分乾身值得一讚4. 燒蒜香茄子 $28有生蒜蓉及炸蒜粒, 蒜香味很濃, 入哂味去件茄子到, 但落得比較多油(但油唔多件茄子又好易乾哂身, 好矛盾呢).估唔到要收加一, 埋單一共 $282總括嚟講, 如果你是乳豬迷的話, 此食店可以一試.
continue reading