19
7
2
Exit A1/ C1/ L5, Tsim Sha Tsui MTR Station/ Exit F, Austin MTR Station
Telephone
2153 1801
Payment Method
Visa Master AE Cash UnionPay JCB
Featured Reviews (32)
Novice Gourmet 2015-07-05
2389 views
呢個年代,海港城呢個名店匯聚既地方~可以用$69食到個LUNCH(除左FOODCOURT/快餐店)~真係邊度搵!?就係牛涮鍋囉~~仲要配料,飲品,雪糕放題~肉雖然得1碟~但都真係無得彈架喇!呢間分店既肉質同份量我覺得係食過咁多間最好!有一排食過好薄又多脂肪~而且飲品選擇又多~大熱天時,對一杯冰凍既飲料既需求好高!~雪糕仲有2個味~士多卑梨乳酪味幾好!唔太甜酸酸地~~ continue reading
Veteran Gourmet 2015-05-29
2718 views
話說去同朋友聚會,就去左食牛涮鍋。咁依個世界一分錢一分貨,有唔同級數既牛肉套餐可以揀,咁一班朋友,大家都唔想食得太貴,咁就要左個最經濟既$158 美國進口牛肉放題餐,湯底就可以6揀2。 先講下D服務同配套,D店員都好有禮貌,會主動幫你拎走D盤同吉碟。配套有好多:可帶唔高於90CM既小朋友可以免費、外面有輕觸式屏幕可以拎飛,唔洗排隊咁煩、會比個防水膠袋食客用黎裝個人物品,最重要係手機、又會有D食哂枱上食物就有既優惠卡。依D都係好細心同貼心既地方。而個環境企理乾淨,一眼就望落去都好舒服。湯底我就揀左骨膠原同沙嗲湯底,湯底店員會主動幫你加番。味道上,骨膠原湯我就唔覺得有好重既膠原質感,只係好淡既味,好似清湯。沙嗲湯底就OK既。 D牛肉都叫過得去,雖然D色水次次上碟都唔同,應該係佢解凍既時間唔同。佢上新一碟既肉時間大約5-10分鐘,對我黎講係可接受既。 D牛肉都切得好薄,好易熟。另外仲有雞胸肉,同豬肉。雞胸肉係幾新鮮,涮一陣都仲有雞既鮮味。豬肉都OK既,同牛肉差唔多,一般,唔係太特別。但都係一句:一分錢一分貨。 同其他食火鍋既店一樣,外面仲有其他食材可以揀,由魚丸、菜、面、瓜,到雪糕都有。我幾中意雪糕,你可以自己加唔同的配料上去。我就中意佢個油菜,夠新鮮;同埋墨魚丸,佢黑黑地色應該係墨汁魚丸。入面有D墨魚肉,咬落彈牙,同多汁。 另外,佢飲品都會有教學,教你點樣MIX一杯cocktail,好貼心同好玩既,令我對依樣野好好奇而去整。 我覺得D食材都係新鮮同乾淨既,依個係打邊爐食火鍋既重點啦。整體上都係好好,由服務到配套同商品都係優質既。推薦大家去食。 continue reading
Trainee Gourmet 2015-02-23
3006 views
是日和朋友仔去了海港城的牛涮鍋 終於可以一嚐日式火鍋放題 一分錢一分貨 最貴的套餐是$368的日本極上黑毛和牛放題不過實在不捨得吃 哈哈所以最後我們選了$178 美國上級進口牛肉放題餐套餐包括牛肉豚肉雞腿肉還可以出去自助選擇蔬菜 丸類和飲品呢飲料機上有指引教客人自製mocktail店員服務很貼心 會提供膠袋客人把電話放進去我們選了豬骨湯和昆布湯底 蔬菜種類都算可以 不會吃得太悶不久肉片就送來了 顏色很美 看起來十分新鮮呢先試了豚肉片 很薄而且肉質不會太韌之後當然是試試牛肉片啦肉質非常嫩滑 而且肉味也很重 再點一下芝麻醬真是太美味了!!讓人想一直吃下去停不了雖然這個樣子不討好 但其實它是墨魚汁丸相比起一般的墨魚丸是更加有鮮味的吃了第一碟後當然是要再encore啦除了自助桌上的配料 套餐內的肉類都是免費任加的最後再來甜品 吃了乳酪雪糕一樣是很好吃啊~~以晚市的放題來說 每人平均$200真是不算貴而且食物質素都很不錯 長者還有優惠價的地址:尖沙咀海港城海運大廈LCX 3樓309R2號舖 continue reading