樂口福酒家

Open Now

Now Closed

好失望， 第一次去已經留下非常差的印象，沒下次。首先，好多手工菜都要事前下訂，在我訂枱的時候並沒有告知，原來諗住吃手工菜，结果只剩下最後一份荷包鱔。其次，晚飯吃到一小時十分鐘時間就趕人走， 訂枱的時候沒有告知用餐時間，到職員點菜時候也沒有告知。原本諗住同父母慢慢食傾計，如果有限時，我會重新考慮是否到這間餐廳用饍。這種服務態度， 難怪那麼多人不喜歡留港到餐廳消費😩

屋企人個朋友遠道喺加拿大返嚟想依好野思吓鄉🥹，咁我就痴到一餐好西了😎😋呢間叫樂口福嘅東西都有半百年嘅歷史如果眼利嘅應該都會記得呢對龍鳳喺好多唔同嘅電影都出現過🎥🎥📽🎞而屹立喺九龍城咁耐嘅呢間鋪菜式係咪都係咁高質呢？🤓 THE ANSWER IS POSITIVE😎呢度嘅每一個菜式都係咁正宗咁舒服同咁firm😎😎功夫茶其實姐係濃鐵觀音但係唔知點解呢度嘅功夫茶就係零舍清心零舍解熱零舍舒服😮😎蠔仔粥嗱有眼見嫁啦一蚊銀咁大隻蠔佛堂級嘅方魚個湯之鮮味，個飯之香口，個蠔之甜，個方魚之香，唔洗我講啦😎🤤🤤😎沙茶牛河呢個真係一絕碟野個鑊氣真係正到冇人有個沙茶又係落勁多勁香啦個河粉又唔斷又食曬個汁真係轉眼就空碟😎水瓜烙真係有錢都未必有得你食而家香港地肯做水欣烙嘅鋪頭越來越少根本要搵都難仲要呢度煎得又乾身又香，個水瓜又清甜，點有得輸你話😎兩面黃個糖醋麵又係不得了個麵厚身得嚟兩面脆口加糖醋又係兩個口感兩個味道越食越想食 越食越開心 不得了 有時真係唔怪得我篇篇都好似賣廣告咁😂咁真係好食吖嘛🥹🤤肥仔指數：🐒🐒🐒🐒🐒/5🐒滿分 #foodiehk #food #美食 #美食家 #肥仔覓食 #食物 #hongko

大夥兒食飯，長輩話食呢間，我就未食過，不過啲長輩以前住呢區，話回憶喎🙄十幾個人，book 枱時話上樓上可以唔洗分枱，樓下冇大枱要分枱，去到，上樓已經好難行，一枱十幾人根本坐唔落，咁就唔好俾我哋揀樓上一枱啦🤯有人訂咗雞燉翅，好彩唔係訂一人一盅，因為油到飛起，都唔知係飲湯定飲油🤢滷水拼盤，講得好聽啲叫正常，事實係普通到冇得再普通椒鹽鮮魷，咬落一pat野咁，去唔到正常大排檔質素其他菜，炒飯之類，普通到不得了，結果，返到屋企附近買糖水醫肚🙄嘥左我來回差唔多三個鐘搭車😑

沒有食翅，沒有叫凍蟹，蠔烙和蝦蟹棗，沒有吃糖醋麵，沙茶牛肉炒河和潮州蠔仔粥，也沒有點水晶粿，反沙芋，綠豆爽和福果芋泥，一行四人只是隨便來個咸菜胡椒豬肚湯和幾道家常小菜，雖然是父親節正日，六點多已經滿座，門外也有因為沒有訂座而需要等位的客人，但樓面服務仍然十分殷切，席間不斷替客人添茶裝水，而廚房雖然比平日忙多了，但仍然維持一貫水準，熱騰騰的咸菜胡椒豬肚湯味道正宗，喝下去開胃又暖肚，滷水鵝片下面墊底的豆腐都軟滑可口，豉油煎䱽魚火喉和調味也是剛剛好，普寧炸豆腐鬆脆美味，川椒雞連川椒葉都炸得爽脆香口，，一上枱大家吃了口才記得拍照，就連普通的菜脯炒蛋也做得十分出色，結果吃得太飽，甜品要等下次了！

🇭🇰樂口福酒家·呢間餐廳我覺得都幾好食 不過因為我哋今次人多啲 我費事大家等我 所以就咁影咗望落最靚既鵝片拼盤🤣🤣·潮汕煎蠔烙$98 l 薑蔥焗桶蠔$168 l 半煎煮馬友$168佢個蠔餅我自己好鍾意 佢入邊真係超多蠔 而且佢係炸到勁脆 勁好食得黎完全唔會熱氣或者油膩 佢呢個仲要超大份 成個pizza咁🤤🤤之後佢個薑蔥焗桶蠔都好好食 佢呢個啲蠔係勁大粒 勁飽滿 而且超級惹味🦪之後另外我比較鍾意嘅就係佢個半煎煮馬友 佢條魚煮到啱啱好 食落相當唔錯🐟·鵝片拼盤$250之後佢個鵝片拼盤超級豐富 入面除咗鵝片 仲有啲鵝腸 豬肉 豆腐同雞蛋 佢個鵝片質感唔錯 肉質都仲係嫩既🦢不過我本身以為呢啲老字號嘅潮州嘢調味會濃啲 但係出奇地佢個滷水係偏淡嘅 雖然都唔錯 但係我自己鍾意其他嘢食多啲🤣🤣·#rbyeat#rby中菜#rby九龍城·📍九龍城侯王道1-3號

今餐主要係朋友同我慶祝生日🥳我揀左食手打冷，而又好懷念依間打冷，睇返原來我對上同屋企人食，已經係6年前啦～ 潮洲打冷對我嚟講，絕對係兒時回憶呀先嚟個功夫茶🫖跟住就叫左個細嘅蠔仔🦪粥，食住等埋個朋友嚟，真係好好食🤤蠔仔🦪又多喎仲有小食-咸菜跟住就係我心心念念嘅大眼雞喔超大條又多肉，依個係要訂位時落埋訂嘅跟住，食打冷當然唔少得滷水拼盤啦又係好多款都係我最愛以上兩道菜真係好好味呀之後，朋友叫左個芋頭酥同埋蝦，因為我唔食得芋頭，所以就唔多點評啦～ 朋友就話還好啦，而個蝦呢，朋友都清左碟，就知咩事啦再嚟就係潮洲炒麵線，潮洲菜嘅麵線真係特別好食，我好鍾意佢個口感好懷念喔，本身就好鍾意食麵嘅～ 所以必食嘅我地再叫左個蔬菜類-魚漂肉碎浸水瓜，初時疑惑咩叫水瓜。嚟到就知係勝瓜，成個賣相同味道還好嘅，勝在魚鏢都算多嘅～朋友就叫左個反沙芋做甜品，一樣我都係試唔到😜不過當日我地都有生日蛋糕🎂食所以好有口福雖然成餐都有啲貴，但成間餐廳都好有親切感，同埋食物既熱辣辣同埋味道好好👍🏻大家值得一試

隨著泰國菜在九龍城的崛起，傳統的潮州酒家漸漸沒落，一家接一家結業，遺留下來的幾十年老店，恐怕只剩下樂口福潮州酒家了。此酒家自1954年開業以來，雖然經過好幾次的大小裝修，但光是門外和樓面，已經讓我們感受到那歷史的建築。食物方面，除了潮州凍蟹、煙燻䱽魚和季節性的薄荷葉炒薄殼等海鮮外，每次到來都少不免點滷水鵝片拼鵝肝、普寧炸豆腐、蝦蟹棗、川椒雞、沙爹牛肉炒河和糖醋伊面等傳統潮州菜，再加個潮州翅和最後來些地道甜點，如反沙甜芋、福果芋泥、清心丸綠豆爽或羔燒甜三併等就更完美了！

如此有歲月痕跡的餐廳, 提供著傳統且幾十年也不變的傳統潮州菜式, 用上如此的Retro Filter拍照, 特別有味道, 也特別切合這餐廳的命題, 就是靜止在上世紀七八十年代的時光, 也是香港最輝煌的時光. 時而世易, 它依然高朋滿座, 但其敵人, 不是生意, 而是時間, 都更來到, 生意再好也會被其吞噬.我們不能預知未來, 只能好好享受當下還有的時間. 滷水鵝片和鵝腸的甘香與油膶; 茘芋香酥鴨的酥香和芋香; 蠔餅的厚實和鮮香與蛋香之結合; 兩面黃的香脆及配糖進食之鹹甜相間. 也許不是最出色, 但始終如一的味道, 就是幾十年人生的不斷回憶和沉澱, 這就是其他吃不到的味道.Lok Hau Fook with my deepest memory of Chaozhou cuisine is always my personal pick. Her biggest enemy is not the business and economic atmosphere, but the time is. The renovation of Kowloon Tong will erase her f

呢間歷史悠久嘅潮州菜館店舖裝修仲係幾新淨Menu上有唔少傳統嘅菜式今晚3人行試左🐟凍魚 可以自己出去揀魚 每日限量供應我地去到先7點半已經最後一條大眼雞好大條 好厚肉 食落好爽口彈牙點埋豆瓣醬好開胃 份量夠3-4人share推介👍🏻滷水鵝片 份量都唔少滷得好份味 豆腐都好味推介阿姐推介嘅菊花石榴雞一碟四件 少少貴食落口感幾得意 味道偏淡 唔太食得出雞肉味但係手工精緻嘅菜式岩哂唔好濃味嘅朋友仲嗌左蠔仔粥蠔幾大隻下但味道比其他潮州茶館偏淡少少但用黎送餸岩岩好都好食呢度都有傳統嘅功夫茶飲 食完飯飲番兩杯消消滯😌

之前喺openrice 睇d 舖面相好似拍👻片或者好似同人講數咁（即係拍戲枱底有幾把牛肉刀劈友嗰d 呢，仲有雙囍同左龍右鳳），所以嚟食之前都好淆底~朋友7點半前嚟到已經無乜位，得返張方枱，裡面其實已經坐咗好多人～好熱鬧～因為見po話河粉好快無，所以即刻落咗個沙爹牛河先~加咗個煎蠔洛同反沙芋，本來仲想食石榴雞，不過已經無，所以叫咗個蝦棗蟹棗~反沙芋會等你差唔多食完飯先上雖然裝潢較舊式，但同之前FF 嘅（或者喺openrice睇到嘅錯覺）完全唔同，所以特意要出po 平反一下~而且佢哋d 嘢食雖然偏舊派但都幾好~下次再嚟試鹵水拼盤同石榴雞~

呢間餐廳位於九龍城既老字號潮州菜館,我地叫左外賣買左出名既荷包蒸鱔魚,呢個製作功夫非常繁複,但師傅整出黎既口感非常軟滑魚肉仲唔係好腥無乜骨咁,雖然價錢比出面係貴D,但係製作出黎餉味道好食就值回呢個價格既,炸蝦球配甜醬食一定要叫既,潮州特式菜,蝦球炸至外脆內有馬蹄口感唔錯,仲有佢地既沙茶牛肉炒河真係好大碟,沙嗲醬勁香濃加埋師傅既穫氣十足,火喉好夠,大大盒好好味,,仲有甜品反沙芋頭,芋頭味香濃,甜品另外推介羔燒芋頭都一樣好濃芋泥香味。

失望，極差，無下次！潮州翅 ，被sell大鮑翅收488一碗，兩碗巳收一千，得好少翅，無一梳梳，味淡，D湯好似溝左水番煲咁，唔夠熱，翅針仲硬硬地！👎👎👎 鵝肝過得去，鵝片，無味，柴口，無鹵水香，蠔烙，無蛋香，應該不是用鴨蛋，加左太多麵粉，脆脆地已是正宗，最後香芋臘味煲，不是潮州菜，但無味，不好食，最出色原來是飯前飯後的功夫茶，咸菜同花生！ 😏😏

外賣自取，比錢時無問點計，收了$452。回到家發現只得5塊鵝肝，數塊鵝片，數條鵝腸，下面全豆腐墊底。鵝肝 9/10 入味，不會過熟，好吃 。 鵝片 5/10 一般，略低於九龍城平均水平。  鵝腸 2/10 無咩味，已去肥膏，不建議試。豆腐 5/10  一般滷水豆腐，不太鹹。結論是食物可以，收費貴，可以不試，要去的話一定要先問好計法、收費。

樂口福和我父母的年紀差不多, 也是我最常去的潮州菜酒家, 來到這裡時光就像回到八九十年代, 我小時和父母飲茶的日子, 外面掛著刺眼的霓虹燈箱, 內裡的階磚及龍鳳掛飾, 愈來愈難見到. 未開餐前的功夫茶, 是典型濃厚甘香的鐵觀音, 非常開胃而且減膩, 因為之後吃的, 也是濃重油膩的重口味菜式.魚翅和凍蟹因為人不夠多而沒有點, 鹵水鵝件和鵝腸成了最經典的潮州菜式, 鹵水咸香帶甘甜, 入味非常, 鵝肉爽實無渣, 肉香搭上肉汁, 吃起來是樸實無華的美味. 鵝腸口感爽彈同樣入味, 內裏乾淨之餘, 最重要是留下內層脂肪, 除了油香以外也提供軟融帶對比的口感. 荔芋香酥鴨除了炸得香脆而沒油膉味外, 芋蓉的綿滑和底層鴨肉的鬆軟, 也有著頂級潮州菜館應有的水準.本想點沙嗲牛肉炒河, 但河粉在晚餐，一開始已經售罄, 於是以粗麵代替河粉, 兩面黃的做法有驚喜, 再加上花生味香濃的沙嗲醬, 牛肉在這裏彷彿變了配角. 蠔烙的蠔仔份量爆棚, 再加上鴨蛋比雞蛋強烈得多的蛋香和酥香, 沒有珍貴的鮑參翅肚, 依然吃得相當滿足.Lok Hau Fook is my favorite Chau Chou Cuisine

能屹立七十年的食店，必有它的過人之處。久違了三十多年再度於樂口福進餐，吃了的不止味道，還有回憶。鵝片鵝肝，上枱的第一道菜，末入口巳隱約聞到滷汁的香味，鵝片皮下油脂比例恰好，嫩滑肉質夾著數十年的滷水，入口味濃回甘，有如花蕾於舌上綻放。鵝肝則入口細滑如慕絲，鵝肝不一定吃法國的。魚翅撈魚翅份量不少，翅身粗湯汁濃，但我還是愛潮州清湯翅，下次再吃吧！川椒鱔球，過去吃潮菜總叫川椒雞球，不爱吃鱔的我，總覺坊間以鳝做食材，總是難吃，失味肉實難入口。在老闆推薦下一試，估不到鱔竟可做得如此皮脆肉鬆軟，夾著炸脆了椒葉入口，只可說我會再來吃。吃慣了急凍肉製作的朋友，竟認為不是鱔肉，真的只可說末真正吃過好菜油泡螺片，很簡單，食材新鮮就可以，剛熟带點爽脆的螺肉，绝對是送酒佳品。石榴雞小時候總爱吃這，可能因它似福袋，用芛，菇，紅蘿蔔雞肉切碎炒香，放涼再將蛋皮包食材再蒸，是道功天多卻賣不起價的菜色，所以潮州菜館可吃的大多是老店。潮州蟓烙，不是在外吃的蠔餅，除了大舊炸漿炸脆後，入口也只得脆䊢，要吃到蠔仔就像尋寶般。每一口也有肥美蠔仔，以鴨蛋加槳粉慢煎才可吃到蠔的鮮味。煎馬友，煎得皮脆肉嫩，舆葱和醋同入口，潮洲吃魚精粹盡