109
32
10
4-min walk from Exit C, Causeway Bay MTR Station
Telephone
2572 5207
Awards and Titles
Michelin Street Food (2016)
Opening Hours
Mon.-Sun. 12:00-01:00
Payment Method
Cash
Number of Seats
20
Other Info
Phone Reservation
Outdoor Seating
TV Broadcast
Signature Dishes
喳咋 豬骨粥 糯米飯
Featured Reviews (157)
Trainee Gourmet 2016-06-01
1474 views
以前每次返完工經過都聞到糯米飯香好吸引,次次都忍唔住坐低整番碗,冬天食完一碗仲要encore! 轉左工後已經年幾無黎,今次到灣仔點可以錯過我的至愛!雖然係街頭檔但好有地道風味,可能我份人懷舊,始終覺得喺到食好過去大餐廳涼住冷氣食水準一般嘅西餐.....知道強記攞左米芝連小食獎已有心理準備要等,一如既往糯米飯排曬長龍,不過好彩夥記手勢快所以等左三四分鐘已經有得食!見有人評論糯米飯太細碗價錢於街頭小食界算偏貴,但我就覺得強記糯米飯水準的確值三十四蚊!雖然係細細碗但其實食極都仲未見底,況且有見過附近橋底都有間臘味舖賣糯米飯$31,係大大碗但同強記真係差天共地。平時去開茶樓食嘅所謂糯米飯只不過係一碗好濕好lum嘅飯,一分錢一分貨,強記糯米飯嘅飯底粒粒分明,做到每粒都煙煙韌韌,的確唔容易。加上秘制醬油,佢地嘅糯米飯真係好好好好好好好味呀!!!同埋其實糯米飯好易膩,一次食太多會好濟,尤其夏天,所以小弟覺得一碗仔其實已經好夠!以前個人比較喜歡有花生嘅糯米飯,但強記偏偏唔加花生,問完老闆先智純粹係因為老闆覺得佢地嘅糯米飯已經好有咬口,唔想加花生喧賓奪主,慢慢地我都習慣左食無花生嘅糯米飯😂😂糯米飯外另一推薦係蝦米煎腸粉!真係好正,特登叫夥記煎香d,灑上芝麻咬落又脆又香,所以同行朋友見到都學我叫一碟煎香D XD 可能因為我係熟客仔,今次老闆同夥記們都特別有禮貌好好笑容,食得好開心,朋友都話我無介紹錯😏 順帶一提食食下見到好多人喺出面好熱鬧,聽其他食客講原來係巴西電視台慕名而來拍攝,我又八卦出去影左相搏上鏡😂 嗰位食客好似幫襯左強記好耐咁話我知搵強記做訪問係要靠彩數因為佢地唔係次次都肯俾人影...我淨係知黎食野要預先打電話睇下佢地有無開咋因為佢地成日都休息XD 強記係威嘅明明只係街頭檔但海外都有人識,抵我一直做忠實粉絲! continue reading
病病但我最鍾意埽街,有人好貼心陪我飛的,非常支持本地傳統地道美食,好味嘅已買少見少~糯米飯:炒得好香唔油一粒粒,配埋d臘腸好正!! 真係暖到入心~ 依家已好少地方有真正生炒臘味糯米飯食了~蝦米香煎腸粉:煎得脆脆的,好香~豬皮魚蛋:好惹味,但份量比較少~花生豬骨粥:打包埋個豬骨粥返屋企食,好好味好綿,豬骨好入味,但裝太多骨入個外賣碗佔太多位,所以其實得幾啖,但好滿足哦~ continue reading
Veteran Gourmet 2016-03-20
1633 views
親愛的弟弟收工幫我買的宵夜,佢收工已經好夜,行到去呢度已經差不多收舖,食物已經無得揀,只有腐竹糖水一樣,仲要阿姐話唔買就倒了!咁細佬要了一碗大!問阿姐可唔可以加雞蛋,阿姐答無,點知𢳂嘅時候發現煲底有一隻!加咗$1要埋! 返到屋企,打開膠袋, 一個透明膠盒盛載,膠盒可以入微波爐,方便加熱,好過發泡膠!加熱後慢慢嘆! 腐竹薏米雞蛋糖水($20)奶白色,好滑少許漿口! 薏米大粒煲得透!好煙韌有咬口, 雞蛋蛋白好滑彈牙!配埋糖水食,味道好夾!又增加飽滿感!好味!下次可以試埋其他鹹食! continue reading