隠家拉麵工場 (Closed)

隠家拉麵工場 ｜深水埗今日行完金山，再搭南來到西九龍中心搵食，好想食拉麵，就試下呢間餐廳！有三款湯底揀白-豬骨湯底 黑- 黑蒜湯底紅- 蕃茄湯底今日我食白，朋友食黑，因為係沾麵所以湯底會比較濃郁，如果大家怕太濃味就唔好成個面全部都沾湯，但我個人比較鍾意食濃味，我就全沾覺得剛剛好！黑蒜湯底會更濃味，好香蒜味道，好足料！每個湯麵會跟兩片日式叉燒，同一隻糖心蛋，叉燒好入味好食，蛋更係流心的，好滿足的一餐❤️深水埗欽州街37號西九龍中心7樓7083號室

隱家之前都已經還可以接受，依家完全不知所謂。個湯太濃太咸，豬骨湯之前都係睇落正正常常，依家成碗碎豆腐花禁。我都唔知咩事。手羽先之前重係食到清酒味都真係有日式雞翼嘅感覺，依家？🤢個汁又咸，雞翼又唔入味，重要有血未熟，好意思收我$38，我不如去食茶記瑞士雞翼？係廚師失手定換左人搞衰左唔理？另外，間鋪嘅衛生真係好差………枱面又有汁嘅積，又有食物殘渣炸蒜………BB曱甴行過，諗住起身同職員講番個情況，點知個職員就踎喺入面玩手機無理過出面環境🙄🙄🙄走嘅時候重有小動物係櫃上面望我走………諗下真係報食環比較好🤢🤢🤢🤢

今日久違地去左西九 心血來潮想去食隱家上一次去食佢地啲雞翼 好入味 入口即化好好食今日食嘅大佬唔係呀嘛 未熟曬嘅？仲要冇味😰要我比$38買呢3隻生雞翼？我去凍肉鋪買好過啦😀不過啲職員好生面口 應該轉曬人🤔睇黎想食返以前陣味都難了😮‍💨冇下次了…..！

餐廳果然名乎其實咁隱世，我自己平時好少行入嚟，估唔到原來有餐廳😯。當晚平日6點嚟到，食客只有3位，到我離開餐廳都只有5位，人流唔多。食客先去門口部售賣機買飛，之後比張飛仔職員就可以入座。隱世白伝 $79網上食評對每款拉麵評價都唔差，所以自己就揀左最平果款白伝。職員送上枱果陣真係好香，個湯同蛋都夠熱，湯面除左有一層厚油外，仲有一湯匙嘅魚介粉😯，所以成碗湯都好濃郁，完全唔駛怕食到尾會無味。飲湯前我先試左條麵，麵條粗身、偏硬、無麥香。濃底加左檸檬去煮，起左少少中和作用，但整體偏鹹、魚介味濃、湯質杰身、掛汁力強，另有3塊好有豬香、咬落帶點韌性、肥膏位無入口即溶、無火炙香嘅肥叉燒，食完成碗麵油膩感爆燈😂😂。湯中有一隻溏心蛋，但蛋香較淡。整體拉麵份量好足，價錢唔算貴，絕對係重口味之選。不過職員態度麻麻，可能無加一服務費啦🙉

第一次寫食評 經驗實在太不愉快. 自動扣麵機靈敏度不足 職員前來協助 面色不耐煩. 水杯自助 可惜揀了好幾隻杯還是不乾淨🤮. 上了兩碗黑蒜沾麵 鹹得很 兩片豚肉 肥瘦比例7:3 筍非常幼細 $89一碗 很多地方也有更好嘅選擇 銅鑼灣$90一碗 乾淨抵食得多. 另外有一枱客 嘢食還未到 動身想轉枱 即時被煮麵師傅大聲喝罵📢 嚇得兩位客人不知所措 煮麵師傅仍然不停口繼續喝罵. 老實講 咁嘅質素嘅沾麵 成間舖頭職員態度有問題 一定冇下次👎👎👎 準備離開之時 正正聽到煮麵師傅又大聲喝令客人 在出面排隊📢 不要內進 其實嗰兩位客人 只不過喺購麵機前面睇睇有咩選擇. 西九蘋果商場舖頭的的骰骰 自私趕客出外排隊咪一樣阻住隔離間舖⛔?! 要扮日本風食沾麵 唔該扮全套 基本禮貌 衛生 食物質素同樣重要!!! NOT recommended🙅‍♀️❌.

日本既拉麵真係好好食，想喺香港食到真係要搵吓各區先有機會搵到間日本風味既。今次呢間我記得開業既時候係日本人打理既，不過而家就唔知，但味道就keep 到同之前一樣既。麵既硬度比較硬身，不過我比較鍾意食硬身既，所以okay ，仲有佢個湯，因為沾麵食完個麵最後加湯落去飲埋個湯既。我就食咗個隱世白伝既沾麵，入面有叉燒，白芝麻，蔥花仲有好香既蒜味，如果對蒜同蔥麻麻既就記得落單前要講定喇。提提大家，係要喺門口個自動販賣機買咗飛先至好入去啊。

去開西九買野，見食評吾差試下啦，點知麵硬到阿媽都吾認得，我個小朋友第1啖入口即lur, 跟住我自己先試，真硬，湯底正常既不過真濃味，雞翼係老水味，日本野出老水雞翼???，本來預佢係煎既，最後1家3口都試1到2啖無食到，就走啦，要反去買老麥食，總之吾好再中伏啦大家

閨密生日帶佢去西九龍中心搵隱家食個長壽沾麵，閨密第一次食感覺超爆，爆好食湯頭非常濃郁，滿嘴都是豚肉味好黏口 ，麵質柔軟又有點嚼口，沾點湯汁爆好味。先到自動仮買機買票入場，然後交比店員等一陣一碗熱辣辣沾麵就會送上。🥢隱世黑伝 $89閨密黑蒜油豬骨湯底，佢話好香黑蒜味。🥢隱世白伝 $79我的豚肉湯底，好香水準有保持👏👍，如果熱多一點更加好，糖心蛋個心真係好糖心而且仲好軟滑添。😋😋牆上的三甫真係好有回到中學時期🤣🤣🤣

隠家引入日本山手拉麵沾麵專門店，湯底以豬骨為基礎，另外再加入黑蒜油、蕃茄辣醬變化出不同口味。隠世黑伝豬骨湯加黑蒜油、炸蒜蒜蓉，蒜味勁重，特別入味而且香氣濃厚迷人。隠世赤伝豬骨湯底上加入了番茄醬，帶着酸酸甜甜的開胃風，非常醒胃。叉燒炙燒過再浸泡在濃稠的湯，完全逼出叉燒的香氣，而且叉燒即使屬於偏瘦的肉質，但是肉質依然紮實不乾澀。沾麵是用粗麵，無法指定硬度，Q勁恰好夠，不會煮得過爛，而且麵條的份量給得很多。整體來說還不錯，但建議裝盤可以再用心一點。

依家嘢之前裝修過，裝修完之後都好耐冇去食。今日就同朋友去食，睇下啲沾麵同以前食有冇唔做。最唔同應該係加左部販賣機，好有去日本啲拉麵輔模式咁🤣🤣跟住叫咗碗隱世白伝同隱世赤伝，每人加多塊叉燒，本身一碗已經有叉燒，配菜同雞蛋，如果細食嘅，唔洗額外加就可以。果然味道依舊冇變，麵嘅軟硬度適中，叉燒有燒焦嘅味，~！！白伝湯底濃郁，赤伝蕃茄底唔太酸（我覺得），檯上有芝士粉同炸蒜，倒啲落湯底，令個湯更正，啱曬重口味嘅朋友😋😋🍜🍜想飲埋啲湯嘅朋友可以叫餐廳職員加清湯，令到個湯底冇咁喊~！！價錢同以前食冇變過，餐廳佈置整靚咗，冇以前咁簡陋，推薦~！！！

從來間吾時都會來隱家光顧 因為這裏的沾麵出品著實不錯 不過今天進店遇到一位金長髮戴眼鏡員工不太友善的服務 到其刻意大力拉閘似要趕客似的 致店內尚在用餐的一家的小朋友都被嚇到呆了一呆 我想我下次再經過深水埗都不會再有心情光顧了 這店子出品不錯 但除了出品外員工的服務態度亦很重要 所以除了出品可以的話有時間管理一下員工亦很重要 否則再好的出品只會浪費了這店子。

女朋友話西九龍廣場上面有一間好出名嘅拉麵，咁好啦去試吓啦。點知惡夢就嚟啦！我哋叫咗一碗白伝，一碗黑伝，一個餃子，一個雞翼。先來雞翼上枱，仲要係秒上，快到好似冇煮過咁樣，一上枱就見到隻雞翼好似營養不良咁樣，超細隻，似係長期被浸住喺醬汁嗰度，浸咗好多日，有人叫就拎出來嗰隻，味道當然難食，雞翼都可以煮到咁鞋，真係好難。跟住到白伝黑伝上枱，我食白伝，一試之下，利害了，呢碗野可以話係達到洗腎級數既鹹，佢仲要驚你唔夠鹹，特登喺隔離整咗一咋木魚粉比你，我真係要勸一下如果有高血壓或者心臟病嘅人士切勿服用，再講入邊嗰兩塊叉燒，好鞋，鞋得好緊要，鞋到好似食鞋底一樣。我食過呢碗白伝，已經唔想再試黑伝，冇期望，只有失望。好戲當然在後頭，食咗碗咁難食嘅拉麵，已經好唔開心，諗住食下啲唔會有鑊氣嘅餃子啦，一上枱，望落好似好脆好香口果隻，點知隻筷子一篤落去，喂，大佬，軟既？下邊塊”脆皮”仲軟過軟皮蛇。好野，食左四樣野，冇一樣係好食，之後仲要屙咗兩日。真係健康嘅俾埋你。sorry,真係冇下次。

重口味愛好者就是愛沾麵！✧\(>o<)ﾉ✧今次去既隱家沾麵係香港專門經營日本拉麵既拉麵陳開的，佢開既海老名沾麵都超級好食。間舖位於西九龍中心7樓蘋果商場入面，一堆小店入面有間與眾不同嘅沾麵店都幾特別⋋✿ ⁰ o ⁰ ✿⋌menu好簡單，有豚骨白湯，豚骨黑蒜油湯，豚骨番茄湯，但如果有留意開拉麵陳嘅社交平台 就會知道隱藏menu，你可以買飛落單黑蒜油，然後再同師傅講要紅黑兩溝，湯底都幾特別( ◜‿◝ )♡個印咗logo嘅紫菜每次見到都好鍾意，湯夠熱，麵唔會太鹼水味（如果真係想再少dd鹼水味可以加少少醋），最後加湯溝淡個沾麵汁，飲埋佢，超級滿足！

男友話呢間沾面館係佢食過咁多間最好食，係日本老闆開的。原來係西九龍中心已經有好多年歷史，位置有d穩閉，係好多格仔鋪最後面。佢地而家好似日本拉麵店咁，一入門口用部機去落order，唔洗人手落單。沾麵賣相好靚，分量充足。食沾面最重要佢地d湯底，個湯底係好濃味，真係用心去煲咁。沾麵既麵條係比較粗身同梗d同拉麵比較，真係夠晒飽。每碗沾麵有3片豬肉同一隻流心蛋。佢地教唔好就咁飲個沾麵湯底因為會咸，要係食晒所有麵之後加佢地既清湯去中和沾斬湯底先飲。

店鋪入面有自助拉麵售賣機，幾有日本feel😆👍🏻白伝 💰$79🐱拉麵：麵質偏硬身，都幾掛汁。180g已經夠食，肚餓嘅可以免費加到220g。🐱叉燒：作為一個肥肉控，覺得叉燒如果再肥啲會好食啲，不過佢嘅肥瘦分佈已經算幾平均，適合普遍人口味。🐱溏心蛋：成餐最出色嘅就係呢個。溏心蛋嘅生熟程度啱啱好，有醬油醃製過嘅味道，帶出蛋黃嘅鮮甜味🤤🐱沾麵汁：豬骨味尚算濃郁，鹹度適中，望落去偏油，但食落又冇咩油膩嘅感覺。同其他沾麵舖頭一樣，食完拉麵可以加湯飲埋啲汁。唔知係咪我哋唔小心加太多湯定係個湯本身真係太淡，溝埋落個汁度之後覺得味道太淡，亦食唔出個湯本身係咩味。👌🏻黑伝💰$89同白伝差唔多，但係個湯汁就變咗黑蒜味。我本身麻麻哋黑蒜，但如果你本身鍾意黑蒜嘅話都值得一試。💡CP值：7/10💡回頭率：6.5/10