7
2
2
Review (12)
Veteran Gourmet 2016-05-16
253 views
一直聽朋友講仁安醫院二樓的蘭亭閣食物水準不錯,今日得閒就去試下,估唔到環境唔錯一D都唔似係醫院入面芒果拿破崙酥餅~芒果好甜應該係菲律賓呂宋芒,好香芒果味,餅焗得好鬆脆,唔會死實實唔係一切就碎晒果種,真係拍得住大酒店級數! D cream都打得好滑,又唔太甜!可惜今日太飽食唔到咸食,下次一定要再黎試過一口 continue reading
(The above review is the personal opinion of an user which does not represent OpenRice’s point of view.)
Veteran Gourmet 2016-05-11
185 views
朋友入咗院,同另一位朋友去探佢,之後就去咗醫院入面間蘭亭閣食晏。呢度嘅環境幾好,高樓底加園林景,完全唔似晌醫院入面,反而似酒店。我哋兩個都係食半自助餐,忌廉南瓜湯同餐包,個餐包烘熱咗,都OK。煎羊仔柳配芥末籽汁薯菜,羊仔柳有啲韌,羶味有但討好。旁邊仲有法邊豆、車厘茄之類,薯蓉仲撈咗黑松露,配角好似比件羊仔柳仲好味。朋友嘅意式雞扒,係用蕃茄同芝士調味,同埋都有薯蓉伴碟,不過對比起嚟就冇我嗰份咁豐富。其他甜品生果就自取,選擇唔多,不過呢度又唔係酒店餐廳,都算係咁。估唔到仲有木桶豆腐花,主要係好玩,唔算好滑。 continue reading
(The above review is the personal opinion of an user which does not represent OpenRice’s point of view.)
Veteran Gourmet 2016-03-20
225 views
14-3-2016(Mon)再入院檢查,傍晚叫晚飯之餘,都叫甜品,今次叫$60.00嘅芒果拿破崙酥餅兩個,同老公一人一份。準時送到嚟,原來都唔算細件,食完飯就食喇,打開睇,脹卜卜咁,造形似三個枕頭,好攪笑。 好,開動,用叉一拮,脆到即散,見到佢一層一層,食落,唔算好甜,口感鬆脆;到芒果忌廉,芒果肉好少但甜,唔錯。 不過老公竟然話佢嗰份嘅所有生果都酸。味道:5分, 抵食:2.3分之後,我要為第二日晏晝做手術前,叫定早餐,交護士幫我叮熱。我叫咗$95.00嘅扒火腿芝士意大利包,佢哋送上嚟時係熱騰騰,又有薯條,好正呀!可惜唔係即食。 到第二朝,職員叫醒我喇,呢個包都已經叮好俾我,梳洗完後食。個包已經變腍同韌,係好韌,我知呢樣唔關佢哋事;而餡呢?兩片火腿夾一片芝士,好鹹呀!而薯條都腍啦,冇辦法。呢個只計味道,唔計口感。味道:2分, 抵食:1分到傍晚,大哥同二哥兩pair到嚟,我叫佢哋嗌嘢食,就只有二嫂要$60.00嘅芒果拿破崙酥餅兩個拎走,第二日我問佢哋好唔好食?佢哋都答好食。16-3-2016(Wed)傍晚,大哥大嫂佢哋到嚟,我又叫佢哋嗌嘢食,大哥就要$148.00嘅9“巴馬火腿薄餅,送到嚟,分兩個盒裝,係薄批嚟,大哥食落,我聽到好脆嘅聲音,我問佢好唔好食?佢答好食。17-3-2016(Thur)傍晚,除咗大哥大嫂同老公嚟之外,重有女友人WK,我都叫佢叫嘢食,最後佢都揀咗$148.00嘅9“巴馬火腿薄餅同我推介嘅$60.00芒果拿破崙酥餅。等咗好耐,終於到嚟,同之前一樣,9“巴馬火腿薄餅用兩個盒裝,我食一角,拎起,火腿甩出,都幾煩,火腿好鹹,餅底好脆,就係咁。味道:1分, 抵食:0.5分而呢次嘅芒果拿破崙酥餅我冇食到,不過見伴o係旁邊o既"生果"唔同o左.18-3-2016 (Fri)最後一晚o係o度,呢日更加要留quota俾家人,o係飯堂另外叫o左四個燉湯俾大哥同二哥夫婦,然後等齊人就落o黎堂食.呢晚有我老公,女友人WK,大哥大嫂,二哥同侄女.我o地叫o左5個set dinner,大哥單叫$188.00o既燒紐西蘭羊仔扒,WK叫$108.00o既印尼炒飯.其他都叫set dinner.我同大嫂同樣要$258.00o既煎焗海爐魚柳配檸檬牛油.侄女同老公要$248.00o既香煎帶子蝦球番紅花意大利飯,二哥要$258.00o既燒紐西蘭羊仔扒.叫好晒後,第一樣o黎到o既係5個唔同o既餐包,餐包微暖,口感唔係太鬆軟,可接受.味道:3分之後係頭盤,所有set dinner o既頭盤係鴨肝醬凍批伴蜜糖多士黃梅醬.蜜糖多士黃梅醬味道係較得唔錯,鴨肝醬鴨肝味道比較淡,食唔到甘苦味.味道:3分餐湯有三款選擇,有芝士焗洋蔥湯,野菌忌廉湯同雜菜湯,我同老公,二哥都要芝士焗洋蔥湯,侄女要野菌忌廉湯,大嫂我就冇留意.芝士焗洋蔥湯賣相有啲古怪,有片放o左片芝士o既法包,浮o係碗湯上面,飲落,味道幾奇怪,唔係話難飲,味道係複雜,但唔係話好飲.味道:2分之後主菜終於o黎,煎焗海爐魚柳配檸檬牛油,爐魚有兩件,煎得微脆,魚肉算滑冇鯹味.味道:4分而老公o既香煎帶子蝦球番紅花意大利呢?佢俾o左啲飯同帶子我食,飯仍有啲硬,有啲啲忌廉汁掛上,帶子滑.至於其他o既,好彩份量都幾夠:然後叫餐茶,我要凍檸水,呢個正常冇特別.最後係餐中甜品,端上o黎時冇特別講話係咩o野,直覺覺得係朱古力mousse,食吓先,味道唔太甜,係朱古力mousse,但質地比較硬身,由於空氣份量唔多,所以細細杯都幾飽肚.而底o既係蛋糕塊,口感一般.味道:4分我呢個set dinner o既抵食:1.5分堂食服務:好一般,除o左等得耐,就係佢o地o係我o地點完餐,安排餐具亂o左而俾錯主菜.餐包最早到,但湯就o係食埋頭盤等好耐至到.老公o既香煎帶子蝦球番紅花意大利飯食剩一啖有事行o左去,第一個男侍應見到都唔敢收,但第二個女侍應問都唔問就收o左. 2分環境:絕對係舒適.** 原來堂食唔單止有set dinner,重要單叫o個啲係平$10.00. **呢篇食評唔計我食少少同冇食過嘅食物。 continue reading
(The above review is the personal opinion of an user which does not represent OpenRice’s point of view.)