54
17
27
Telephone
2459 9928
Good For
Group Dining
Opening Hours
Mon-Fri: 14:00-01:00 Sat-Sun: 11:00-01:00
Payment Method
Cash
Other Info
May Bring Your Own Wine
Parking Details
Phone Reservation
Delivery
10% Service Charge
Outdoor Seating
TV Broadcast
Signature Dishes
牛扒 咖哩魷魚
Review (113)
Rising Gourmet 2016-06-13
1312 views
「燒~~雞~~翼~~我自細鍾意食~~~ 」記得中學既時代好鍾意同一大班同學仔,朋友仔去燒野食,去得最多既,係大帽山,一大班人,有D人去買炭,有D人就去「霸爐」,有D人去買丸腸,有D人就去買扒類,很是高興。畢業後,都好少再有呢類型既gathering,今次難得端午節有一日假期,好朋友又開到聲話好耐冇bbq,縱使天公不造美,天文台預測今日會有狂風暴雨,亦無損我地堅決要bbq既心情,齊齊揸車入大欖!「兒時自己攪,大時有人幫!」今次我地因為太懶既緣故,就黎佐呢個「一個價錢,全包」既燒烤場!大大個停車場任你泊,由朝泊到黑都不另收費,唔會好似d商場咁消費滿$800先泊得2-3個鐘,好似想趕你走咁!(呢日我都就由下午1點玩到晚上8點,泊足7粒鍾!)入場位位$100,包哂食物任食,一罐飲品,一枝水,餐具,燒烤义,炭,仲有專人幫你開爐,清潔全包,真係堅抵!而因為「專人」係堅pro既關係,不消10秒,個爐已經起好佐,我地個個呆一呆,好勁!放低好野之後,就周圍望下個環境先!個場都有6-7成爆滿,在雨天下也有這個佳績,算是十分難得!到處都放有盆栽綠化,做得幾靚!有好大個操場比小朋友跑動,仲可以踏單車同埋打羽毛球!單車租$20一小時,但係就只有小朋友版本,大人冇得玩。洗手間都算幾乾淨,絕對冇臭味!有自助洗手盤,放在燒烤場的正中間,十分方便!在燒烤的位置放有多部電視機,可以一邊燒野食,一邊用電視餸飯!另備有影相位,眼見都好多人過去同呢2個門神拍照留念!好,逛街完畢,係時候要去搵野食啦! 佢地除佐有基本的丸類,扒類,蔬菜類,仲有可加錢order既海鮮類,而價錢仍都幾平民!秋刀魚一條賣$35,花蜆40-50隻賣$45,虎蝦賣$108,元貝3隻就賣$68!我地見我地咁多人徐番都係有限錢,佢地又賣得同阿信屋差唔多價錢,所以就order佐秋刀魚,同埋花蜆!生同熟既食物要分開放是基本常識吧!d野食都真係幾多元化,而且質素都唔錯!最估唔到既係佢地既雞翼有沙薑版,唔係「行貨」!萬事俱備,開始燒烤!燒蜆緊係要用網!咁先可以鎖住肉汁!仲要有蒜蓉醬提供埋,食得知味,bbq都可以!燒完蜆,就可以燒埋秋刀魚,條魚好大條,5-6人都夠食! 而且佢係有燒汁既!yummy yummy!一路燒,一路傾,時間真係過得好快~~燒燒下既時候,見到有人打麻雀,俾$100就可以打到夜晚11點,仲要幫你清潔埋,好抵玩!不過同行既朋友唔多鍾意打麻雀,所以最後我地都係放棄佐,冇打到!燒到累既時候,又可以加番個大網,放d蔬菜落去燒,進行round 2!最~最~最~估唔到既係,佢地竟然有番茄仔提供!而且每一粒都超大粒!起初我地都以為係有人偷偷入黎先有得食,估唔到係「大會」提供既!朋友說:「淨係食番茄仔都抵啦!」又岩既!開心時間過得特別快,又係時間講88~ 一大班人談天說地,由小學談到中學,中學再上大學,大學後再說工作~每日埋單都係百零蚊,但係我地喺度得到既快樂,絕對比這數字大上何止百倍!? continue reading
(The above review is the personal opinion of an user which does not represent OpenRice’s point of view.)
一班朋友好去處 Featured Review
Rising Gourmet 2016-06-10
1135 views
已經有3,4年沒燒烤過; 今次燒烤興起, 約埋朋友一大班, 駕車沿高速公路到小欖燒烤樂園, 又有免費泊車, 十分方便。燒烤場面積幾大, 有蓋, 落雨都唔怕。價錢唔貴, 假日每位100元, 燒烤食物任食, 另包1枝水, 一罐飲品。 我們7個人, 一張大檯, 一個爐, 有專人點火, 還提供餐具, 燒烤义, 炭, 蜜糖…等等。燒烤食物是自助形式, 種類很多: 雞肉腸, 司華力腸, 丸類, 雞翼, 牛扒, 豬扒, 金沙骨, 粟米, 青椒片, 茄子, 麵包….牛肉粒, 义住幾粒一起燒, 很快熟; 肉質腍身, 唔錯。金沙骨醃得很入味, 肥瘦适中; 因愛吃, 所以燒熟須時都無問題。雞翼, 用薑粉醃好, 燒烤香滑惹味, 一定唔少得。朋友很喜歡燒麵包, 塗蒜泥及蜜糖, 很甜蜜茲味。另外點了收費的蒲燒秋刀魚($35) 和花蜆 ($45)。芯蜆真空包裝, 已經是熟的,用錫紙包著燒, 打開錫紙已聞到香味, 估唔到還很鮮甜, 結果很快吃完一包, 再encore.熱熱鬧鬧, 邊烤邊吃, 正是一班朋友假日好去處。 continue reading
(The above review is the personal opinion of an user which does not represent OpenRice’s point of view.)
端午燒一燒 Featured Review
Rising Gourmet 2016-06-09
788 views
是日端午節,傳統來說應該去游番個龍舟水,但我地一於決定一反傳統,去做另一樣室外活動 - 燒 野 食!我地一行5人,大家都係懶鬼去燒烤樂園就岩晒我地,乜都唔洗預備,一黎就即刻食得,正到爆~呢度有大大個免費停車場,淨係泊咁多個鐘唔洗錢都抵番晒大門口有少少兒時記憶 - 麗園feel 門口亦有顯示版清楚寫明收費人頭費$100,開爐費連2包炭$40,其後每包炭$10 俾完入場費,就會收到呢堆紙仔,原來仲包埋每人一罐飲品,憑紙仔就可以去換領啦呢度只係影到場既一半,勁多位俾你任揀任坐我地揀好個靚位之後,好快就有職員自動波過黎幫我地開爐啦,我只係擰轉頭同朋友講左幾句野,擰番轉頭就已經起完爐快到呢~起完爐就快d去拎野食啦~係呢度就可以任拎食物,同埋可以用頭先既紙仔拎飲品、碟、餐具、燒烤叉、紙巾、蜜糖、水仲可以租麻雀打,租金為$100,可以一路大殺三方,一路燒野食另外仲可以買大網同夾,分別為$40同$25仲有仲有,雖然呢度係任食,但大家都量力而為,唔好浪費食物喔呢度仲有額外付款既食物,我地試左蜆($45)同秋刀魚($35),仲買埋夾同大網,燒起上黎方便好多除左包每人一罐飲品,仲有一大支水食物選擇十分豐富多春魚、腸仔、燒賣、豬頸肉、丸類、咖哩豬扒、茄子、車厘茄⋯真係應有盡有!仲有期間限定既沙薑雞翼肉類醃得不錯,唔會過鹹,亦無味精,丸類得到友人大讚,甚為彈牙!放假黎呢度真係岩晒,又唔洗預備,食完又唔洗執野$100消磨一整天時間,午餐晚餐都係呢度搞掂,真係好抵如果有小朋友既,仲可以租單車或者租道具到隔離既灘上玩架 continue reading
(The above review is the personal opinion of an user which does not represent OpenRice’s point of view.)