12
5
1
8-min walk from Exit D, Long Ping MTR Station
continue reading
Opening Hours
Mon - Sun
11:00 - 21:00
Above information is for reference only. Please check details with the restaurant.
依間店都開咗好一段時間，起初拍烏蠅拍咗好幾個月，因為外面係好靚既中國雕木敞門，望落去好似好豪華咁，所以一直都唔敢入去食，直到佢前嗰排開始門口會貼張黃色紙寫住今日特價：xxx 幾錢。望落價錢其實都親民既。暫時特價款式只係食過豬手面/豬手撈/雲吞面/雲吞撈，未摸索到啲特價款式幾耐轉一次。一般係比餐牌平$3-$5。每次入店一坐低會先俾對筷子同埋個小小既豉油碟你，我估係用黎裝醋或者辣醬吧，但我唔好依啲調味料既，無試過。同埋依間店唔會主動俾水你既，你想要的話要自己同佢講。今日我食既特價項目係 $32 雲吞撈，原價$36。一碟面跟5粒雲吞，另外仲有碗湯既。其實一直都好好奇依碗湯究竟點食法，我既傻仔老公就會直接將啲湯倒落碟面度，但咁做咩唔食湯面要食撈面喎，我就會用匙羹不少少湯，再夾啲面落羹度食既，有啲人就可能會直接食面，覺得乾咪飲啖湯囉。我諗各有各食法，點食都無所謂掛。我覺得依間店既雲吞係幾好味既，皮薄、每集有兩粒小蝦、蝦算係爽口，啲肉就少少偏咸。老公今次就叫咗大蓉$32，都係嗰啲雲吞啦。+$16 轉餐，可以有碟油菜同埋野飲。如果叫可樂的話佢會俾枝裝你(玻璃樽嗰種)，想飲罐裝的話要講明罐裝可樂。另外個菜就暫時次次都菜心，無得揀。我其實食咗好多次都唔知原來可以轉腩汁，係臨走時聽到隔離嗰個人叫腩汁先知，啱啱上黎open rice見到另一位食家都有寫道，下次記住試下腩汁先，蠔油真係咸到爆！
continue reading
下午茶時間系老字號麵包鋪買完幾款舊式包,就餓餓地,想搵個地方坐低食d野,轉個彎就系好到極,食碗麵岩哂!!下午茶時段3-6pm~惠顧任何麵食即送豆漿或汽水.除左有細蓉,大蓉,南乳豬手,牛腩,牛筋等,有三款特色水餃,香菇木耳,鮮蝦冬荀,百花蟹皇水餃,選擇唔少呀,有湯麵,撈麵,蝦籽撈麵,一多選擇d決擇困難症又發作!最後我簡左百花蟹皇水餃麵$38,覺得好特別,蟹皇好吸引~水餃包得好實淨,爽口既百花蟹皇水餃帶點蟹膏味,豬肉新鮮,有4隻幾好食,幼麵很爽口,食到一半先知加$5可轉竹昇麵,下次再試~
continue reading
麵店裝潢具中國風格，由鋪面外已夠奪目，可惜被旁邊長期多人排隊既車仔麵檔搶曬風頭，有被比下去既感覺。店內古色古香，坐得舒適。單點細蓉撈幼麵，麵質爽口幼滑，一d都無鹼水味雲吞有原隻鮮蝦做餡，皮薄餡靚，真材實料就連撈麵既湯底都唔係普通淡茂茂既，有誠意且份量適中。Lunch set算抵食，$40幾蚊有麵+飲品，加錢仲有菜食。南乳豬手粗麵，豬手炆得超稔好入味埋單果陣聽到熟客order先知是日菜一碟原來可揀腩汁或蠔油，點解職員唔講既
continue reading
一個熱辣辣嘅星期六，千里迢迢入到黎元朗，本身諗著食永年士多，但誰不知好多人排隊，真定假呀!!大熱天時重有咁多人排!!咁最後當然係放棄排隊喇...當我係附近四處尋覓的時候，我見到一個頗為古色古香的餐廳，個名又幾得意喎，咁一於就入去試一試!!其實的入去既時候我唔知佢有咩出名嘅嘢食，我睇下睇下個餐牌，見到豬手分別都有呢個圖樣，咁應該係出名同好食架喇!!我一於叫個南乳豬手撈麵試一試!!而得女友叫咗個雲吞撈，咁我地每人加咗16蚊多加油菜同一個飲品。雲吞撈黎先嘅，先講個湯，濃味，唔似係味精湯，當然一下飲晒一定會好咸喇，但撈落啲麵度，啱啱好之後，又講一講個麵喇，麵質彈牙，爽口，鹼水味係有嘅，不過唔會好強烈，佮到好處，令我食完一啖想再食一啖最後，當然係個雲吞喇，一個字"鮮"，唔係死蝦嘅味道已經係好好，更何況有鮮味，我心諗，可能係得呢一粒係有鮮味姐，點知，我再食多一粒，兩粒都係咁好食，有咬口，有鮮味，正!!之後，再黎呢一個豬手麵喇，麵唔洗講喇，重之好食喇，咁豬手呢，肉質煮得啱啱好，唔會好淋散晒，唔會好硬，南乳味入晒入去，而且一入口，個啲膠質就痴住啲牙，比起頭先個個雲吞麵，有過之而無不及最後，埋單，唔多講，一個字抵食。的確，無改錯名，好到極!!
continue reading
話說晌朋友Facebook見到呢間麵店，話好好味咁。就特登開車貢入元朗試下佢，當遊車河啦。兩個人叫左兩碗麵：百花蟹皇水餃麵 及 香菇木耳水餃麵。D餃既餡料就還可以，但湯底唔夠味，搞到隻餃都好似無乜味咁....最慘係D麵淥到半生熟咁....唉，失望。食完，遠譏而來就心想，不如再試真D，叫多左碗細蓉，今次叫佢個麵淥耐少少。結果個麵就變到有少少一Pat野咁，即刻D雲吞都覺得無咁好味....最後講服務態度同環境，兩樣都算唔錯。Waiter/ waitress 都有禮貌，環境乾淨舒服。總結：經過想食碗麵醫肚可以幫襯下。但如果慕名而至或者對麵食有要求，就可以考慮其他選擇了。
continue reading